आजको पञ्चाङ्ग
श्रीशाके १९४४ ग्रीष्म ऋतु नलनामक संवत्सर नेपाल सं.११४२वि.सं.२०७९ ज्येष्ठ २७ गते शुक्रबार तद्अनुसार सन् २०२२ जुन १० तारिख ज्येष्ठ शुक्लपक्षको एकादशी तिथि चित्रा नक्षत्र वरियान योग वणि करण आनन्दादिमा मुशल योग चन्द्रमा कन्या राशिमा १२ः२४ बजेसम्म त्यसपछि तुला राशिमा भ्रमणशील रहला । काठमाडौंमा सूर्योदय बिहान ५ः९ मा भयो र सूर्यास्त साँझ १८ः५७ मा हुनेछ । निर्जला एकादशी व्रत, तुलसीको दल राख्ने दिन ।
आजको राशिफल
मेष – रसरागमा आकर्षण बढ्ला । आफ्ना विशेष योजनाबारे गोपनीयतामा ध्यान दिँदै सचेत रहनुहोला । पुरानो समस्याले केही झमेला आइलाग्न सक्छ । दाम्पत्य सम्बन्धमा पनि केही नराम्रो होला । खर्च लागे पनि दिगो फाइदा हुने काममा लगानी गर्ने अवसर भने जुट्न सक्छ । मिठो भोजन प्राप्त हुनेछ । इष्टमित्रको साथ प्राप्त हुनेछ । नयाँ सम्भावना देखापर्ने छ । ऋण, रोग र शत्रुमाथि विजय प्राप्त हुनेछ ।
वृष – विशेष काम गर्नको लागि केही धैर्य अपनाउनुपर्ला, किनकि नयाँ कार्यमा हैरानी बढ्न सक्छ । पारिवारिक भेटघाटको समय छ । टाढिएका आफन्तहरू नजिकिनेछन । विशेष सभा(समारोहमा भाग लिने मौका छ । इष्टमित्रको साथ प्राप्त हुनेछ । सन्तानसुख मिल्नेछ । उन्नति पदोन्नति हुनेछ । आरोग्यता बढ्ला । बौद्धिक र रचनात्मक काममा सफलता मिल्नेछ । रसरागमा आकर्षित हुनु हुनेछ ।
मिथुन – सानातिना समस्याका बाबजुद दिन मनोरञ्जनपूर्ण रहनेछ । बुद्धिको उपयोगले लक्ष्य प्राप्त गर्न सकिनेछ । प्रेम र मित्रताको बन्धन कसिएर जाला । इष्टमित्र सन्तानको सुख प्राप्त हुनेछ । आशा उत्साह बढ्नेछ । आरोग्य वृद्धि हुनेछ । विकासको नयाँ सम्भावना देखापर्ने छ । प्रयासरत काम बन्नेछ ।
कर्कट – सभासमारोहमा सम्मानित हुनुहुनेछ । आरोग्यता वृद्धि हुनेछ । आत्मीयजनसँग भेटघाट होला । सरसफाइ, वागबगैंचा सम्बन्धी काममा आकर्षित होइउला । स्वादिष्ट भोजनको आनन्द मिल्नेछ । परिवारजनसँग आत्मीयता बढ्नेछ । ऋण, रोग र शत्रुमाथि विजय प्राप्त हुनेछ । मनोकूलको काम बन्नेछ ।
सिंह – दुःख दिनेहरू सक्रिय रहन सक्छन्, सवधान रहनु होला । केही कामका अवसर फुत्कने सम्भावना देखिन्छ । ऋण, रोग र शत्रुमाथि भने विजय प्राप्त हुनेछ । आरोग्यता बढ्नेछ । खेलकुद भ्रमण आदिमा आकर्षण बढ्नेछ । मिहीनेतयुक्त काममा रूचि वृद्धि होला । अरुको भर नपर्नु नै हितकर रहला ।
कन्या – धैर्यले काम लिने समय छ । प्रतिभा देखाएर अवसर हातपार्न सकिनेछ । घरमा बसेरै विभिन्न काम सम्पादन गर्न सकिनेछ । चुनौतीहरू पन्साउँदै रोकिएका काम बनाउन सकिनेछ । मनोकूलको काम बन्नेछ । व्यस्तता बढ्नेछ । प्रयासरत काममा सफलता प्राप्त हुनेछ । साझेदारीको काम बन्नेछ । रसरागमा आकर्षण बढ्नेछ ।
तुला – श्रमको उचित मूल्य मिल्नेछ । शुभ काममा सफलता मिल्नेछ । प्रतिस्पर्धाको दौड जितिनेछ । भौतिक साधन जुट्नेछन् । कृषि तथा पशु व्यवसायबाट लाभ हुने समय छ । प्राकृतिक पर्यावरणमा रमाउने दिन छ । गरेका कामबाट प्रशस्त लाभ हुनेछ । कर्मबल बढ्नेछ । ऋण रोग र शत्रुसित लड्ने सामर्थ्य बढ्नेछ । बोली र व्यक्तित्वको प्रभाव बलियो बन्नेछ ।
वृश्चिक – समय मिश्रित फलदायक रहला । दाम्पत्य जीवन सुखद रहला । लामो यात्राको प्रक्रिया अघि बढ्नेछ। प्रयत्न गर्दा लक्ष्यमा पुग्न सकिनेछ। टाढाको यात्रा गर्ने प्रक्रिया अघि बढ्न सक्छ, साथै धनजनको आर्जन होला विवादमा नपर्नु हीतकर होला । भोगविलासमा आकर्षण बढ्नेछ ।
धनु – स्वास्थ्यमा सामान्य समस्या पैदा हुन सक्छ, सचेत रहनुहोला । सहयोगीहरूले हात झिक्नाले केही समस्या थपिने देखिन्छ । धन तत्काल खर्च गर्नुपर्ला छरछिमेकमा केही असमझदारी बढ्ने योग देखिए पनि समाधान भने हुने नैछ । दाम्पत्यसुख बढ्नेछ । साझेदारीको काम बन्नेछ । धनको आगमन भैरहनेछ । भागदौड वृद्धि हुनेछ । विवादमा नपर्नु बेस होला ।
मकर – आज चिताएको काम पुरा नहुन सक्छ तर समझदारी बढ्न सक्छ । कृषि तथा पशुपालनमा खर्च बढ्नेछ । आयआर्जन बढ्ने र उठ्नुपर्ने रकम हातलागी हुने समय छ । उत्साह बढ्ला । रसराग प्रेममा सफलता मिल्नेछ । आफन्तको साथ मिल्नेछ । अरुको भर नपरी आफ्नै बलविवेकले कार्य गर्नु हितकर रहनेछ । लगानी उठ्नेछ ।
कुम्भ – प्रयासरत काम बन्नेछ । देखापरेको समस्याको समाधान मिल्नेछ । दीर्घकालीन रूपमा फाइदा हुने काममा हात हाल्ने समय छ । तार्किक क्षमता बढ्नेछ । नयाँ शिप तथा ज्ञान प्राप्त हुने योग छ । पढाइमा प्रगति हुनेछ । नयाँ सम्भावना देखापर्नेछ । बोली र व्यक्तित्वको प्रभाव बढ्ला । व्यस्त रहनुहुनेछ ।
मीन – आरोग्यता र सुखशान्ति अवसरले पछ्याउनेछन् भने बोलीको प्रभाव पनि बढ्नेछ । धनलाभ होला । वैदेशिक क्षेत्रबाट लाभ उठाउने मौका छ । चिताएको काम बन्ने देखिन्छ । मनोकूलको काम बनेर मन प्रशन्न रहनेछ । रसरागमा रुचि बढ्नेछ । सुखको वस्तुको लागि धन खर्च गर्नुहुनेछ । पराक्रम बढ्नेछ ।
