■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४४ नेपाल सं. ११४२ नलनामक संवत्सर ग्रीष्म ऋतु वि.सं. २०७९ आषाढ १४ गते तद्अनुसार सन् २०२२ जुन २८ तारिख मंगलबार आषाढ कृष्ण पक्षको अमावश्या तिथि मृगशिरा नक्षत्र गण्ड योग चतुष्पाद करण आनन्दादिमा राक्षस योग चन्द्रमा वृष राशिमा ५ः३९ बजेसम्म त्यसपछि मिथुन राशीमा भ्रमणशील रहनेछ । काठमाडौंमा सूर्योदय बिहान ५ः१२ मा भयो र सूर्यास्त साँझ १९ः०२ बजे हुनेछ । दर्शश्राद्ध, हलो तथा निशी बार्ने ।
आजको राशिफल
मेष – आजको दिन पराक्रम वृद्धि होला । धन आर्जनको मार्ग खुल्ने तथा नयाँ सम्भावना देखापर्नेछ । शत्रुमाथि विजय प्राप्त होला । सन्तान पक्षबाट सुख प्राप्त हुनेछ । आशा र उत्साह बढ्नेछ । आफन्तको साथ प्राप्त हुनुका साथै रोकिएको काम बन्नेछ । मान महत्त्वमा बढोत्तरी होला । आमोदप्रमोदमा रमिरहनु हुनेछ ।
वृष – मानप्राप्तिको योग छ । धन वृद्धि हुनेछ, ऐश्वर्य बढ्नेछ । मनोकूलको काममा सफलता प्राप्त हुनेछ । रसरागमा आकर्षण बढ्ला । शारीरिक र आर्थिक कार्यमा सफलता मिल्नेछ । परिवारिक सुख बढ्नेछ । उत्साह बढ्नेछ ।
मिथुन – आरोग्य वृद्धि होला । तर बोलीको गलत अर्थ लाग्ने र लेनदेनमा विवाद बढ्ने सम्भावना छ । सहयोगीहरूले पनि त्यत्ति साथ नदेलान् । विगतको श्रमबाट भने लाभ हुनेछ । बौद्धिक र रचनात्मक काम पूरा होला । समस्याको समाधान प्राप्त हुनेछ । यात्रामा सफलता मिल्नेछ । हांसविलासमा आकर्षण बढ्नेछ । ऋण रोग र शत्रुमाथि विजय प्राप्त हुनेछ । समयबाट बढी भन्दा बढी फाइदा लिने प्रयत्न गर्नुहोला ।
कर्कट – व्यस्तताका साथै रसरागमा आकर्षण बढ्नेछ । आत्मविश्वास बढ्नेछ। विशिष्ट व्यक्तित्वसँग भेटघाट हुनेछ। पारिवारिक जमघटमा मन रमाउनेछ। खेलकुद तथा भ्रमणमा पनि रुचि बढ्नेछ । मान, सुख र समृद्धि बढ्नेछन् । मिठो भोजन प्राप्त हुनेछ । पारिवारिक सुख मिल्नुका साथै उन्नति हुनेछ ।
सिंह – आयबल एवम् आरोग्यता वृद्धि हुनेछ । आजको दिन महत्वाकांक्षी योजना गोप्य राखेर अघि बढ्दा फाइदा हुनेछ । काममा परिवारजनको सहयोग जुटाउन सक्दा फाइदा होला। पशुधन र जमिनबाट सामान्य लाभ मिल्नेछ । आशा उत्साह बढ्नेछ । मित्रजनको साथ मिल्नेछ । पारिवारिक सुखशांति बढ्नुको साथै कार्यमा सफलत मिल्नेछ ।
कन्या – सुख-सौभाग्य वृद्धि होला । प्रतिष्ठित काम गर्ने मौका छ । अरूलाई प्रभावित पारेर काम लिन सकिने छ । कीर्तिमानी काम सम्पादन होला । दाम, इनाम र प्रतिष्ठा कमाउने बेला छ । मको उचित मूल्यांकन होला । आँट उत्साह बढ्नेछ । समस्याको समाधान मिल्नेछ । कार्यगति बढ्नेछ ।
तुला – सफलता प्राप्त हुनेछ । इष्टमित्र एवम् सन्तानको सुख प्राप्त हुनेछ । आम्दानी बढ्ने र उठ्नुपर्ने रकम हातलागी हुने समय छ । पैत्रिक सम्पत्तिको उपयोगबाट थप लाभ हुन सक्छ। नयाँ ज्ञान सिक्ने मौका छ। शुभ र धनबर्द्धक काममा ध्यान केन्द्रित गर्नु बेस होला । रसरागमा आकर्षण बढ्नेछ । कार्यव्यपारमा सफलता प्राप्त होला । योजना र बजेट बनाई काम गर्नु हितकर हुनेछ ।
वृश्चिक – भागदौड बढ्नेछ । प्रलोभन देखाउनेहरूले फसाउन सक्छन् । खर्च गरेर पनि त्यति फाइदा उठाउन नसकिएला । ठूलो प्रयत्न गर्दा पनि उपलब्धि उठाउन मुस्किल पर्नेछ । आम्दानी बढ्ने र उठ्नुपर्ने रकम हातलागी हुने समय छ । मान महत्व र वर्चश्व बढ्नेछ । वार्तामा सफलता प्राप्त होला । आफन्तको सहयोग मिल्नेछ । योजना र बजेट बनाइ कार्य बेस होला । ऋण, रोग र शत्रुलाई जित्ने क्षमतामा वृद्धि हुनेछ ।
धनु – सामाजिक उत्तरदायित्व पूरा गर्ने दिन छ । सुख सफलता बढ्नेछ । शुभचिन्तकहरूको सुझावलाई बेवास्ता गर्दा चाहिँ दुःख पाइनेछ । परिवारजनबाट टाढिनुपर्ला। आफ्नै कमजोरीले विवादमा परिनेछ । रोकिएको काम बन्नुसँगै उधारो लगाइएको धन उठ्नेछ । गीतसंगीत र रसरागात्मक काममा आकर्षण बढ्नेछ । सन्तानसुख बढ्ला । प्रेममा सफलता प्राप्त होला ।
मकर – नियमकानूनले साथ दिने योग भए पनि बन्दै गरेको काममा रोकावट र आकस्मिक खर्च समेत बढ्ने देखिन्छ । स्वास्थ्य कमजोर रहनाले काम गर्न नसकिएला । तर, जिम्मेवारी भने बढिरहनेछन् । बाध्यतापूर्ण काममै समय बित्न सक्छ । अरुको भरमा बस्नु र विवादमा पर्नु उचित नहोला । योजना र बजेटमा बल बढ्नेछ ।
कुम्भ – कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्नेछ । बौद्धिक र रचनात्मक कार्य पनि बन्नेछ । तर स्वास्थ्यमा कमजोरी देखापर्न सक्छ। सहयोगीहरूले पनि त्यत्ति साथ नदिन सक्छन्, सचेत रहनुहोला। प्रयास गर्दा रोकिएका बन्नेछन् । नयाँ काम पाइने योग छ । सन्तानको सुख मिल्नेछ । लगानी उठ्ला । रोकिएको काम बन्नेछ । रसरागमा आकर्षण बढ्ला । यात्रामा सफलता प्राप्त होला ।
मीन – आफन्तको साथ मिल्नेछ तर काममा रोकावट र मानसम्मानमा आघात पुग्ने समय छ । फाइदा कम मात्र हुनेछ। पठनपाठनमा त्यति समय दिन नसकिएला । भूमि, वाहन र पैत्रिक सम्पत्तिबाट सामान्य लाभ मिल्नेछ । लेखन प्रकाशनसित सम्बन्धित काममा सफलता मिल्नेछ । वार्तामा सफलता मिल्नेछ । साझेदारीको काम बन्नेछ । जोखिममा नपर्नु नै बेस होला ।
