आजको पञ्चाङ्ग
श्रीशाके १९४४ नेपाल सं. ११४२ वर्षा ऋतु वि.सं. २०७९ श्रावण ३ गते मंगलबार तद्अनुसार सन् २०२२ जुलाइ १९ तारिख श्रावण कृष्ण पक्षको षष्ठी तिथि उत्तराभाद्रपद नक्षत्र अतिगण्ड योग भद्रा करण आनन्दादियोगमा सिद्धि योग चन्द्रमा मीन राशिमा भ्रमणशील रहनेछ । काठमाडौंमा सूर्योदय बिहान ५:२१ बजेमा भयो र सूर्यास्त साँझ १८:५८ बजेमा हुनेछ ।
आजको राशिफल
मेष – आज बौद्धिक र रचनात्मक काममा सफलता मिल्ने योग छ । सन्तानको सुख प्राप्त हुनेछ । प्रेमको बन्धन कसिन सक्छ । भेटघाटले पूर्वार्ध रमाइलो हुनेछ । धन कमाउने अवसर पनि मिल्ने देखिन्छ । रोकिएका काममा दोहोर्याएर प्रयत्न गर्नुहोला । परिवारजनसँगको सम्पर्कले मनमा आनन्द मिल्नेछ । नयाँ काममा हात हाल्ने अवसर जुट्न सक्छ । मिठो भोजन प्राप्त हुनेछ । आरोग्य वृद्धि हुनेछ । ऋण रोग र शत्रुमाथि विजय प्राप्त हुनेछ ।
वृष – मनोकूलको काम बन्ने र इष्टमित्र तथा सन्तानको सुख प्राप्त हुने दिन छ । आरोग्यता पनि बढ्ला । पछिका लागि फाइदा हुने काम प्रारम्भ गर्न सकिने छ । दिगो आम्दानी हुने काम सुरु गर्ने मौका छ । लामो यात्रा गर्ने अवसर जुट्न सक्छ । नजिकका साथीभाइ टाढिए पनि टाढाका साथीभाइसँग नजिकिन सक्छन् । यात्रामा सफलता मिल्नेछ । बोली र व्यक्तित्वको प्रभाव बलियो बन्ला । आशा उत्साह बढ्नेछ । रोकिएको काम बन्नुसंगै नयाँ कार्यमा पनि सफलता मिल्नेछ ।
मिथुन – आशा उत्साह बढ्ने र नयाँ सम्भावना देखापर्ने योग भए पनि काममा बलजफ्ती गर्दा कार्य बिग्रन सक्छ । प्रतिष्ठित काम गरेर धेरैको मन लोभ्याउन सकिने समय छ । आफ्नो क्षेत्रमा प्रभुत्व जमाउन सकिनेछ । सामान्य आम्दानी भइरहे पनि अर्थ अभावले सताउन सक्छ । छरछिमेकमा असमझदारी बढ्न सक्छ । रसरागमा रुचि बढ्नेछ । दायित्व पूरा गर्नुहुनेछ ।
कर्कट – आज अप्ठ्यारा कामको बोझ थपिन सक्छ । आश्वासन बाँड्नेहरूले झुक्याउन सक्छन् । अरूको विश्वास गर्दा धोका पाइएला । इर्ष्या गर्नेहरूले काममा अवरोध पुर्याउलान् । सोचीविचारी काम गर्नु हितकर हुनेछ । आफ्ना योजना गोप्य राखेर अघि बढ्नुहोला ।
सिंह – रसरागमा आकर्षण बढ्ने र प्रेमबल बढ्ने दिन छ । हिम्मत गर्दा विभिन्न अवसर प्राप्त हुनेछन् । प्रतिद्वन्द्वीहरूलाई परास्त गर्न सकिने छ । रोकिएका काम बन्नाले आर्थिक पक्ष पनि सबल बन्नेछ । आरोग्यता वृद्धि हुनेछ । व्यस्तता बढ्नेछ । आफन्तसित भेटघाट हुनेछ । इष्टमित्र एवम् सन्तानको सुख प्राप्त हुनेछ । ऋण रोग र शत्रुप्रति विजय प्राप्त हुनेछ ।
कन्या – आज रोकिएको काम बन्नुसँगै नयाँ काम पनि बन्नेछ । मान महत्व बढ्नेछ । दाम्पत्यसुख बढ्ला । मेहनतले धेरै काम बनाउन सकिनेछ । शत्रु र प्रतिस्पर्धीलाई सजिलै हराउन सकिनेछ । समुदायको हक हितको संरक्षण गर्दै धेरैको भलाइ हुने काम गर्न सकिनेछ । अवसरका लागि केही दौडधुप गर्नुपरे पनि रोकिएका कामहरू बिस्तारै सुरु हुनेछन् । आरोग्यता अभिवृद्धि हुनेछ । हासविलासमा रुचि बढ्नेछ ।
तुला – प्रेमभाव वृद्धि हुने र धनबल बढ्ने योग भए पनि प्रभावशाली व्यक्तिहरू प्रतिस्पर्धामा उत्रन सक्छन् । आफ्ना योजनाप्रति गोपनीयतामा ध्यान दिनुहोला । आज आफ्ना नातेदारहरुसँँग झैझगडा पर्न सक्छ, आर्थिक समस्या पनि पर्न सक्छ । आफन्तको सहयोग समर्थन मिल्नेछ । रोग र शत्रुसित लड्ने क्षमता बढ्नेछ ।
वृश्चिक – व्यस्तता बढ्ने र गरिरहेको काममा केही समस्य आइपरे पनि काममा सफलता पाउनुहुनेछ । योजनाहरू गोप्य राखी प्रतिष्ठा जोगाउने काम गर्नुहोला । लगनशीलताले गुमेको प्रतिष्ठा दिलाउन सक्छ । इर्ष्या गर्नेहरूबाट सावधान रहनुहोला । आफ्ना विचारले धेरैलाई प्रभावित पार्न सकिनेछ । प्रशंसकहरू बढ्नेछन् । मानसम्मान पाइनेछ । बौद्धिक र रचनात्मक कार्यमा सफल हुनुसँगै गीत–संगीतमा पनि आकर्षण बढ्नेछ । आमोदप्रमोदमा रमिरहनु हुनेछ । शैक्षिक र रचनात्मक कार्यमा सफल रहनेछ । धैर्य र संयमले काम गरेमा सफलता मिल्नेछ ।
धनु – सम्पत्ति वृद्धि हुनेछ । ऋण, रोग र शत्रुमाथि विजय प्राप्त हुनेछ । समस्याको समाधान गर्नुहुनेछ । विभिन्न अवसर प्राप्त हुनाले मन उत्साहित हुनेछ, तर मित्रजनको विश्वास गर्दा समस्या उत्पन्न हुन सक्छ । विभिन्न अवसर प्राप्त हुनुका साथै पारिवारिक भेटघाटका बीच स्वादिष्ट भोजनको आनन्द मिल्नेछ । प्रेम र मित्रताको बन्धन कसिने समय छ ।
मकर – समृद्धि र पारिवारिक सुख प्राप्त हुनेछ । ऋण रोग र शत्रुलाई जित्ने सामर्थ्य बढ्नेछ । रमाइलो जमघटका बीच विशेष उपहार र स्वादिष्ट खानपानको आनन्द पाइएला । नयाँ काम प्रारम्भ हुनेछ भने विभिन्न अवसरले पछ्याउनेछन् । आशा उत्साह बढ्नेछ । यात्रामा सफलता पाउनुहुनेछ ।
कुम्भ – आजको दिन आरोग्य वृद्धि हुन र काममा सफलता मिल्ने योग छ । धनसम्पत्ति बढ्नुको साथै आरोग्यता पनि बढ्नेछ । विशिष्ट व्यक्तित्वहरूसँग मित्रता गाँसिनेछ । नसोचेको ठाउबाट धनमाल आर्जन हुने देखिन्छ । पुराना साथीभाइसँग भेटघाट गर्ने अवसर जुट्नेछ । केही नोक्सानी भए पनि पछिसम्म फाइदा हुने काममा लगानी गर्ने अवसर प्राप्त हुनेछ । घरपरिवारको स्थिति अनुकूल रहनेछ ।
मीन – लगानी वृद्धि हुने र प्रयासरत काममा सफलता मिल्नेछ । बौद्धिक र रचनात्मक कार्य बन्नेछ । जीवनशैलीमा परिवर्तन ल्याउन सक्छ । आलोचकहरू बढ्नेछन् भने शक्तिशाली व्यक्तिहरूसँग प्रतिस्पर्धा हुन सक्छ । तारिफयोग्य काम सम्पादन हुनाले थप अवसर जुट्न सक्छ । सुख-सुविधा बढ्नेछ । रोगबाट छुट्कारा पाउनुहुनेछ ।
