- अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४४ नेपाल सं. ११४२ नलनामक संवत्सर वर्षा ऋतु वि.सं. २०७९ श्रावण २९ गते तद्अनुसार सन् २०२२ अगस्त १४ तारिख आइतबार भाद्र कृष्ण पक्षको तृतीया तिथि पूर्वाभाद्रपद नक्षत्र अतिगण्ड योग ८ः० पर सुकर्म योग वणि करण आनन्दादिमा चर योग चन्द्रमा कुम्भ राशिमा भ्रमणशील रहनेछ । काठमाडौंमा सूर्योदय बिहान ५ः३४ मा भयो र सूर्यास्त साँझ १८ः४१ बजे हुनेछ ।
आजको राशिफल
मेष – शुभ समाचार प्राप्त हुने र काममा सफलता प्राप्त हुने योग छ । मेहनत गर्दा सफलता प्राप्त होला । व्यवसायका लागि यात्रा सम्भावना छ । दाम्पत्य जीवन सुखद रहला । लामो यात्राको प्रक्रिया अघि बढ्नेछ । प्रयत्न गर्दा लक्ष्यमा पुग्न सकिनेछ । अरूलाई प्रभावित पारेर काम लिन सकिनेछ । आमोदप्रमोदमा रमिरहनु हुनेछ । बौद्धिक र रचनात्मक काम बन्नेछ ।
वृष – समय शुभ रहने र मित्रभाव बढ्ने दिन भए पनि अस्वाभाविक प्रलोभनले अप्ठ्यारोमा परिएला । तपाईंको स्वतन्त्रतामा बाधा पुग्ने प्रस्ताव आउन सक्छ। सामान्य रोगब्याधले सताउला । सहयोगीहरूले हात झिक्नाले केही समस्या थपिने देखिन्छ तर सार्वजनिक कार्यक्रममा सफलता प्राप्त हुनेछ । रसरागमा आकर्षण बढ्नेछ । आफन्तको साथ मिल्नेछ ।
मिथुन – धन मान वृद्धि हुनेछ भने मिठो भोजन प्राप्त हुनेछ । दौडधुप, श्रम र प्रयत्नको उचित मूल्य नपाइने समय छ । उत्साहजनक समाचारले हर्ष बढ्नेछ । चिताएको काम पूरा नहुन सक्छ । समझदारी बढ्ला । कृषि तथा पशुपालनमा खर्च बढ्नेछ । बौद्धिक र रचनात्मक काममा सफलता मिल्नेछ । समस्याको समाधान प्राप्त हुनेछ । ऋण रोग र शत्रुमाथि विजय प्राप्त हुनेछ ।
कर्कट – पराक्रम वृद्धि हुनेछ । बिग्रन लागेको काम बन्नाले उत्साह जाग्नेछ । सानो प्रयत्नले ठूलो काम सम्पादन हुनेछ । आम्दानी बढ्नुका साथै भौतिक साधन जुटाउन सकिनेछ । नयाँ सवारी साधन प्राप्तिको योग छ। दीर्घकालीन रूपमा फाइदा हुने काममा हात हाल्ने समय छ। रसरागमा आकर्षण बढ्ला । पारिवारिक सुख मिल्नुका साथै उन्नति पदोन्नति पनि हुनेछ ।
सिंह – प्रेमभाका साथै समृद्धि बढ्ने दिन छ । मिठो भोजन प्राप्त हुनेछ । व्यवसायमा लाभ होला । कार्यमा पनि प्रशस्तै फाइदा हुनेछ । गुरुजनको विशेष सहयोग जुट्नेछ । अवसरले पछ्याउनेछन् भने बोलीको प्रभाव पनि बढ्नेछ । शुभ काममा सफलता प्राप्त हुनेछ । आरोग्यता वृद्धि होला । मित्रजनको साथ मिल्नेछ पारिवारिक सुख शान्ति बढ्नुको साथै कार्यमा सफलतमा मिल्नेछ ।
कन्या – बन्न लागेको काम अचानक बिग्रन सक्छ । साथीभाइबाट पनि धोका होला । आश्वासन दिएर झुक्याउनेहरूले सताउनेछन, त्यसैले गोपनीयतामा ध्यान दिँदै सचेत रहनुहोला । यात्रामा सफलता प्राप्त हुनेछ ।
तुला – आजको दिन मनोकूलको काम हुनेछ । विभिन्न अवसर पाइनेछ तर नयाँ कामको सुरुवात खासै राम्रो छैन । कार्यमा हैरानी बढ्न सक्छ । पारिवारिक भेटघाटको समय छ । टाढिएका आफन्तहरू नजिकिनेछन । शुभ र धनबर्द्धक काममा ध्यान केन्द्रित गर्नु बेस होला । रसरागमा रुचि बढ्नेछ । स्वास्थयमा सुधार होला ।
वृश्चिक – व्यस्तता बढ्नेछ भने कार्यमा सफलता प्राप्त हुनेछ । सामाजिक काममा रुचि बढ्नेछ । सानातिना समस्या आइरहे पनि दिन मनोरञ्जनपूर्ण रहनेछ। पढाइलेखाइमा प्रगति हुनेछ । बुद्धिको उपयोगले लक्ष्य प्राप्त गर्न सकिनेछ । शुभ काममा आकर्षण बढ्नेछ । ऋण रोग र शत्रुलाई जीत्ने क्षमतामा वृद्धि हुनेछ ।
धनु – शुभता वृद्धि हुनेछ । कार्यक्षमता वृद्धि हुनेछ । एउटै कामबाट दोहोरो लाभ मिल्नेछ । विशेष योजनाहरू बन्नेछन् । नयाँ ज्ञान सिक्ने मौका छ । पढाइमा प्रगति हुनेछ । आत्मीयजनसँग भेटघाट होला । भाग्योदय हुनेछ । रचनात्मक कार्य काम बन्नेछ । मिठो भोजन खान पाउनुहुनेछ । गीतसंगीत र रसरागात्मक काममा आकर्षण बढ्नेछ । सन्तानसुख बढ्ला । प्रेममा सफलता प्राप्त होला ।
मकर – इष्टमित्र सन्तानको सुख प्राप्त हुने भए पनि नयाँ काममा हात नहाल्नु उपयुक्त होला । गरी आएको कामलाई भने निरन्तरता दिनुहोला । पीडा दिनेहरु सक्रिय रहन सक्छन् सवधान रहनुहोला । केही कामका अवसर फुत्कने सम्भावना देखिन्छ । यात्रामा सफलता प्राप्त हुनेछ ।
कुम्भ – आरोग्यता बढ्नेछ । काममा सफलता मिल्नेछ । कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्नेछ । पैत्रिक सम्पत्तिको उपयोगबाट प्रशस्त लाभ उठाउन सकिनेछ । लगनशीलताले राम्रै उपलब्धि दिलाउनेछ । प्रतिभा देखाएर अवसर हातपार्न सकिनेछ । मनन, ध्यान वा रचनामा रुचि बढ्नेछ । बौद्धिक र रचनात्मक कार्य पनि बन्नेछ ।
मीन – लगानी वृद्धि हुनेछ । काममा मातापिताको सहयोग प्राप्त होला । मेहनतले प्रतिस्पर्धाको दौड जिताउन सक्छ । भौतिक साधन जुट्नेछन् । कृषि तथा पशु व्यवसायबाट लाभ हुने समय छ । पारिवारिक सुख वृद्धि हुनेछ । सुख वृद्धि हुनेछ । यश वर्चश्व बढ्नेछ । आफन्तको साथ मिल्नेछ । सुख विलास बढ्नेछ ।
