तस्बिर : एजेन्सी
काठमाण्डाै – घरेलु टोली जिम्बाब्वेसँगको दोस्रो एकदिवसीय खेलमा नेदरल्यान्ड्स एक रनले पराजित भएको छ । योसँगै तीन खेलको शृङ्खला १–१ को बराबरी भएको छ ।
जितको लागि २ सय ७२ रनको लक्ष्य पछ्याएको नेदरल्यान्ड्स निर्धारित ५० ओभरमा २ सय ७० रनमा अलआउट भयो ।
नेदरल्यान्ड्सका म्याक्स ओडाउडले सर्वाधिक ८१ रन बनाए पनि टोलीलाई जिताउन सकेनन् । टम कपरले ७४ रन जोडे । वेस्ली मधेभेरेले ४४औँ ओभरमा ह्याट्रिक विकेट लिएसँगै जिम्बाब्वे खेलमा फर्किएको थियो ।
जिम्बाब्वेका सिकन्दर राजाले पनि ३ विकेट लिए । त्यसअघि हरारेमा टस जितेर पहिला ब्याटिङ गरेको जिम्बाब्वे ४९ ओभर २ बलमा २ सय ७१ रनमा अलआउट भएको थियो । जिम्बाब्वेका सेन विलियम्सले सर्वाधिक ७७ रन बनाए । क्लाइभ मडान्डेले ५२ रन जोडे ।
नेदरल्यान्ड्सका शरिज अहमदले सर्वाधिक पाँच विकेट लिए । पहिलो खेलमा नेदरल्यान्ड्स तीन विकेटले विजयी भएको थियो । तेस्रो तथा अन्तिम खेल शनिवार हुनेछ।
