विनाेद अधिकारी । साझा न्यूज
कपिलवस्तु । सरकारले अनुदान सहयोग गरेको रसायनिक मल कृषि सहकारी संस्थाले विगतमा मनोमानी विक्रि वितरण गर्दै आएको र कृषि सामग्री कम्पनी र साल्टर कर्पोरेशनबाट सस्तो मुल्यमा किनेर किसानहरुलाई महँगो मुल्यमा विक्री हुने गरेको खुलासा भएपछि कपिलवस्तु नगरपालिकाकी उपमेयर सुनिता गुप्ताले मलखाद विक्री नियन्त्रणका लागि कडा नियमन र कारवाही प्रक्रिया अघि बढाएकी छन् ।
महँगो मुल्य तिरेर मलखाद खरिद गरिरहेका कृषकको हितमा नगरपालिकाले तोकेको दरमा मलखाद उपलब्ध गराएको जानकारी दिँदै अनुगमनका क्रममा उपमेयर गुप्ताले केही सहकारी माथि मौखिक कारवाही गर्नुका साथै कालोबजारी गर्ने १ सहकारी संस्था खारेजी समेत गरिएको र केहीे खारेजीको प्रक्रियामा रहेको वताईन ।
विगतमा सहकारी मार्फत मलखाद वितरण नगरपालिकाको कुनै भुमिका नहुदा सहकारी मार्फत पाउने मलखाद गांउका गरिव किसानले नपाउदा महगो मुल्य तिनुपर्ने मा हाल भने नगरपालिको पूर्ण निगरानीमा समान किसिमले मलखाद किसानलाई वितरण भइरहेको वताउनुका साथै आफु यस नगरपालको उपमेयरको रुपमा रहदा सम्म यस पालिका भित्र मलखाद विक्रि वितरणका धनि गरिव नभनि समान रुपले वितरण हुने जानकारी गराईन ।
यस वर्ष कृषि सामग्री संस्था बाट १सय ९७ बोरा र साल्टरडिङ्गबाट १ सय ३ बोरा गरी कुल ३ सय ३० बोरा मलखाद आएको र सो मलखाद सम्वन्धित वडामा पठाइएको उपमेयर गुप्ता वताईन ।
कपिलवस्तु नगरपालिकाको कुल खेति योग्य जमिन ११ हजार ७ सय १० हेक्टर भएता पनि प्रयाप्त रसायनि मलखादको अभावमा यस वर्ष नगरपालिकामा धान खेतिमा कमि आउन सक्ने देखिन्छ । मलखादको अभावमा किसानको खेत वाझो रहिरहदा मलखादको आपुर्ति वढाउनका लागि यस क्षेत्रका सरकोरवाला निकायले जाेडदार आवाज उठाउनु पर्ने देखिन्छ ।
