साझा न्यूज । कपिलवस्तु
जनता समाजवादी पार्टी कपिलवस्तुका अध्यक्ष मोहम्मद ईरफान खानलाई शशस्त्र प्रहरी बलले सम्मान गरेको छ । शशस्त्र प्रहरी बल नेपाल नं. ५ विन्दवासिनी बाहिनी मुख्यालयबाट शशस्त्र प्रहरी परिसरमा लुम्विनी प्रदेश सरकारबाट बजेट विनियोजन, सौन्र्दयीकरण लगायत वाहिनी क्षेत्रमा अन्य प्राविधिक तथा यान्त्रिक सहयोग गरे वापत अध्यक्ष खानलाई सम्मान गरिएको हो ।
शशस्त्र प्रहरी महानिरिक्षक राजु अर्यालले अध्यक्ष खानलाई लुम्विनी प्रदेशको शशस्त्र प्रहरी बलको बाहीनी मुख्यालय कार्यालय चन्दौटामा भव्य कार्यक्रमका विच सम्मान गरेका हुन् ।
जसपा कपिलवस्तुका अध्यक्ष ईरफान खान लुम्विनी प्रदेश सरकार आन्तरिक मामला तथा कानुन मन्त्रीको जनसम्पर्क सल्लाहकार समेत हुन् । उनले लुम्विनी प्रदेशका शशस्त्र प्रहरीका विभिन्न कार्यालय तथा युनिटहरुमा बजेट तथा कार्यक्रम ल्याउन सहयोग गरेको भन्दै शशस्त्र प्रहरी महानिरिक्षक राजु अर्यालले प्रसंशा समेत गरेका थिए ।
नेता ईरफान खान राजनैतिक यात्राको छोटो समयमा नै स्थानीय, प्रदेश तथा केन्द्र तहका सरकार तथा विभिन्न मन्त्रालयहरुमा आफ्नो पहुंच पुर्याउन सफल भएका छन् ।
