कपिलवस्तु नगरपालिका ५ को डंगरीमा संपन्न दोस्रो वडास्तरीय क्रिकेट प्रतियोगीता बभनीले जितेको छ । शिवपुरालाई हराउदै बभनीले प्रतियोगीता जितेको हो।
जितसंगै बभनीले कप र नगद १५ हजार पाएको छ। यस्तै उप बिजेता शिवपुरले उप बिजेता कप र नगद १० हजार पाएको छ। टस जितेर ब्याटिङमा उत्रेको शिवपुराले निर्धारित १६ ओभरमा ८ बिकेटको क्षतिमा १ सय ४२ रन बनाएको थियो।
जवाफी ब्याटिङ गरेको बभनीले ७ विकेटेको नोक्सानमा एक आभर बाकी रहदै जित हासिल गरेको हो । शिवपुराका सन्तोष कुमार कोरीले ४६ रन बनाएर म्यान अफ द मैच भएका थिए । त्यस्तै बभनीका राम किशोर खरबिन्दले ७ विकेट लिएर मैन अफ द सिरिज भएका थिए ।
बिजेता खेलाडी र टिमलाई कपिलवस्तु नगरपालिकाका प्रशासकिय अधिकृत पदम राज श्रेष्ठ वडाध्यक्ष दिरेप कुमार चौधरी कप, नगद र प्रमाण पत्र प्रदान गरेका थिए।
सो अवसरमा बोल्दै श्रेष्ठले खेलकुद क्षेत्रलाई नगरपालिकाले प्राथमिकताका साथ अघि बढाएको बताए । उनले खेल र खेलाडीको विकासका लागि ४ वटै तहका सरकारले लगनी बढाउनु पर्ने बताए। अहिले क्रिकेटको क्रेज बढकोले आफ्नो प्रतिभाको विकास गर्न उनले युवाहरुलाई आग्रह गरे।
सो अवसरमा वडाध्यक्ष चौधरीले युवाहरुको आग्रह अनुसार आफुले यस बर्ष देखि वडामा प्रतियोगीता शुभारम्भ गरेको बताए । उनले यो खेलमा छनौट भएका खेलाडीहरुले नगरस्तीय क्रिकेट प्रतियोगीतामा सहभागी हुने बताए। प्रतियोगीतामा ७ टोली सहभागी थिए।
दोस्रो वडास्तरीय क्रिकेट प्रतियोगीता बभनीले जित्यो
