एजेन्सी । भारतीय रियालिटी शो बिग बोस सिजन १५ को उपाधि तेजस्वी प्रकाशले जितेकी छिन्। आइतवार भएको ग्राण्ड फिनालेमा तेजस्वीले प्रतिस्पर्धी प्रतीक सहजपाललाई पछि पार्दैँ उपाधिमा आफ्नो कब्जा जमाएकी हुन ।
उनले बिग बोसको ट्रफीसहित नगद ४० लाख भारतीय रुपैयाँ पुरस्कार प्राप्त गरेको भारतीय सञ्चार माध्यम इ टाइम्सले जनाएको छ । प्रतीक सहजपाल यो सिजनको दोस्रो स्थानमा चित्त बुझाएका छन भने करण कुन्द्रा तेस्रो भएका छन। फिनालेमा तेजस्वीसँगै प्रतीक सहजपाल, करण, शमिता शेट्टी र निशान्त भट्ट पुगेका थिए।
निशान्तले भने विकल्पमा दिइएको १० लाख भारतीय रुपैयाँ लिएर शो छोडेका थिए। १२० दिनसम्म चलेको शोमा बहस, लडाई र नाटकका थुप्रै श्रृंखलाहरु पार गर्दै तेजस्वी बिजेता बनेकी हुन्।
बिग बोसको फिनालेमा नागिन–६ शोको घोषणा पनि भएको छ। यसमा ‘बिग बोस १५’ की विजेता तेजस्वी प्रकाश नागिनको भूमिकामा देखिनेछिन्।
बिग बोसकै घरमा तेजस्वी र करणबीच बसेको प्रेमसम्बन्धले सबैको ध्यान खिचेको थियो। तेजस्वीले स्वरागिनी, पेहरेदार प्रिया की, कर्म संगिनी, संस्कार लगायतका टेलिसिरियलहरुमा अभिनय गरिसकेकी छिन ।
