आजको पञ्चाङ्ग
श्रीशाके १९४३ नेपाल सं. ११४२ राक्षसनामक सम्वत्सर शिशिर ऋतु वि.सं. २०७८ फाल्गुण २२ गते तद्अनुसार सन् २०२२ मार्च ६ तारिख आइतबार फाल्गुन शुक्लपक्ष चतुर्थी तिथि अश्विनी नक्षत्र ब्रम्हा योग वणि करण आनन्दादिमा आनन्द योग चन्द्रमा मेष राशिमा भ्रमणशील रहनेछ । काठमाडौंमा सूर्योदय बिहान ६ः२६ मा र सूर्यास्त साँझ १८ः०६ बजे हुनेछ ।
आजको राशिफल
मेष – आरोग्यताका लागि खानपानमा विशेष ध्यान दिनुपर्ने छ । ऋण र शत्रुमाथि विजय प्राप्त हुनेछ । बोली र व्यक्तित्वको प्रभाव बढ्नेछ । कार्यमा सफलता प्राप्तिको योग रहेकोले रोकिएको काम बन्नुका साथै नयाँ काम बन्नेछ । वार्तामा सफलता मिल्नेछ । सुख शान्तिका साथ दिन बित्नेछ ।
वृष – विगतको श्रमबाट धन वृद्धि हुने देखिन्छ । मान महत्व बढ्नेछ । मिठो भोजन प्राप्त हुनेछ । समस्याको समाधान मिल्नेछ । ऋण, रोग र शत्रुमाथि विजय प्राप्त हुनेछ । तर चरित्रसम्बन्धी आरोप आउन सक्ने भएकोले विपरीत लिङ्गीहरुबाट टाढा रहनु हितकर हुनेछ ।
मिथुन – आज निर्णय गर्दा अलिक विचार गर्नुपर्ने देखिन्छ । लेनदेनमा विवाद बढ्ने सम्भावना छ । अभिभावकहरुसँग मनमुटाव हुन सक्छ । यसबाहेक समय शुभ फलदायक नै रहनेछ । खेलकुद र भ्रमणमा आकर्षण बढ्नेछ । आयस्रोत बढ्ला । आर्थिक काममा लाग्नु हितकर हुनेछ । रसरागमा आकर्षण बढ्नेछ । ऋण, रोग र शत्रुमाथि विजय प्राप्त हुनेछ ।
कर्कट – दाम्पत्यसुख बढ्नेछ । आरोग्यता वृद्धि हुनेछ । प्रेममा सफलता प्राप्त हुनेछ । बोली र व्यक्तित्वको प्रभाव बढ्ला । खर्च बढ्ने र सुख सुविधाको बस्तु हासिल हुनेछ । सहयोगीहरूले राम्रो साथ दिनेछन् । रोकिएका काम बन्ने र नयाँ काम सुरु गर्ने समय छ । सभासमारोहमा मान मिल्नेछ ।
सिंह – विश्वासघात हुन सक्ने भएकोले आज गोपनियतामा एकदमै सावधान रहनुपर्ला । पति–पत्नीबीच सुमधुर सम्बन्ध रहला । धन मान बढ्नेछ । सुख शान्ति र समृद्धि बढ्नेछन् । आरोग्यता बढ्नुको साथै आँट उत्साह पनि बढ्नेछ । बौद्धिक रचनात्मक कलात्मक आदि कार्यमा सफलता मिल्नेछ । साहसले मनोकूलको काम बन्नेछ । सार्थक काममा रुचि बढ्ला । यात्रामा सफलता प्राप्त होला ।
कन्या – जोखिमपूर्ण कार्य रुचिप्रदायक रहला तर सद्कार्यमा लाग्दा नै शुभ होला । व्यापारमा लक्ष्यअनुरूप सफलता प्राप्त हुनेछ । सोचेको समयमा सम्पादन गर्न भने कठिनाइ पर्ने देखिन्छ । आत्मीयजनसँग असमझदारी वा मनमोटाव बढ्न सक्ने भएकोले सावधानी अपनाउनुहोला । अरुको भर नपर्दा शुभ होला । ठगी तथा विश्वासघातदेखि सचेत रहनुपर्नेछ । जोखिम बढे पनि गुप्त काम बन्नेछ । आरोग्यतामा ध्यान दिनुहोला । आज विवादबाट सकभर बच्नु श्रेयस्कर रहनेछ ।
तुला – साझेदारीको र रोकिएका काम बन्नेछन् । आम्दानीका अवसरहरू प्राप्त हुनेछन् । भुलेका मित्रहरुले सम्झनेछन्, तर कसैसँग झगडा पनि हुन सक्छ विचार पुर्याउनुहोला । पारिवारिक जीवन सन्तोषप्रद रहने छ । रसरागमा आकर्षण बढ्नेछ । प्रयासरत काममा सफलता प्राप्त हुनेछ ।
वृश्चिक – आशा उत्साह वृद्धि भए पनि घरेलु समस्याले सताउने, मित्र र आफन्तहरुले धोका दिने भएकोले मन चिन्तित हुनेछ । आफ्ना कमजोरीमाथि टिप्पणी हुन सक्छ । बोलीको गलत अर्थ लाग्नाले वादविवाद हुन सक्छ । दायित्व बढ्ला र दायित्वलाई पूरा पनि गर्नुहुनेछ । सुखको वस्तु बढ्ने सम्भावना रहला । साझेदारीको काम बन्नेछ । भोगविलासमा आकर्षण बढ्नेछ । योजना र बजेट बनाइ कार्य गर्नु उचित हुनेछ ।
धनु – धन मान साहस बढ्नेछ । धन आर्जन हुने समय छ । तर, काममा लगनशील बन्न नसक्ता अरूले आलोचना गर्न सक्छन् । रोकिएको काम बन्ला, लगानी उठ्नेछ । पारिवारिक सुख बढ्नेछ । कार्यव्यपारमा सफलता पाउनुहुनेछ । ऋण रोग र शत्रुसित लड्ने क्षमता बढ्नेछ ।
मकर – कर्मयोगी रहनुहुनेछ तर अरुको भरमा नबसेमा राम्रो रहला । प्रयासरत काम बन्नेछ । खानपानको असावधानीले स्वास्थ्य कमजोर बन्ने देखिन्छ । भेटघाटको अलमलले आजको योजना बिग्रन सक्छ, ध्यान पुर्याउनु होला । सन्तानले प्रसन्नता दिलाउनेछन् । मिठो भोजन मिल्नेछ । मनोकूलको काम बनेर मन प्रशन्न रहला ।
कुम्भ – यात्रा होला । खर्च बढ्नेछ । साझेदारीसित सम्बन्धित काम बन्नेछ । मिठो भोजन खान पाउनुहुनेछ । भोग विलासमा आकर्षण बढ्ला । सुखशान्ति बढ्ला । ख्याति फैलिनेछ । छलकपट धोखाधडी आदिप्रति आज विशेष सचेत रहनुहोला ।
मीन – ग्रहगोचर शुभ फलदायक रहेकोले पुराना समस्या सुल्झाउने अवसर मिल्नेछ । भागदौड भइरहला । यात्रामा सफलता मिल्नेछ । आशा उत्साह बढ्नेछ । ऋण रोग र शत्रुसित लड्ने क्षमता बढ्ला । घरपरिवारको स्थिति अनुकूल होला । ऐश्वर्य बढ्नेछ । आफन्तको सहयोग मिल्नेछ । रोकिएको काम पूरा होला ।
