आजको पञ्चाङ्ग
श्रीशाके १९४३ नेपाल सं. ११४२ शिशिर ऋतु वि.सं. २०७८ फाल्गुण ३० गते सोमबार तद्अनुसार सन् २०२२ मार्च १४ तारिख फाल्गुन शुक्लपक्ष एकादशी तिथि १०ः५४ पर द्वादशी तिथि तिष्य नक्षत्र अतिगण्ड योग बबकरण आनन्दादिमा धाता योग चन्द्रमा कर्कट राशिमा भ्रमणशील रहनेछ । काठमाडौमा सूर्योदय बिहान ६ः१७ बजे भयो र सूर्यास्त साँझ १८ः११ बजे हुनेछ । आमलकी एकादशीव्रत ।
आजको राशिफल
मेष – समय मिश्रित फलदायक छ । व्यस्तता बढ्नेछ तर मनमा प्रसन्नता मिल्ने दिन छ । दिन मनोरञ्जनपूर्ण रहनेछ । व्यापार र रोजगारीका क्षेत्रमा लाभ मिल्नेछ । धनको आवागमन भैरहनेछ । खेलकुद र भ्रमणमा आकर्षण बढ्ला । विलासमा पनि रुचि बढ्नेछ । सुख–सुविधाको बस्तु बढ्लान् । ऋण रोग र शत्रुमाथि ध्यान राख्नुपर्ला ।
वृष – सफलताको नयाँ सम्भावना देखापर्ने छ । काममा मन जानेछ । व्यवसायमा थप लगानी बढाउन सकिनेछ । अप्रत्याशित लाभ हुनेछ । आरोग्यता पनि बढ्ला । मिठो भोजन प्राप्त होला । अन्नधन वृद्धि होला । यात्रामा सफलता मिल्नेछ । बोली र व्यक्तित्वको प्रभाव बलियो बन्ला । आशा उत्साह बढ्नेछ । घरपरिवारको स्थिति अनुकूल रहला ।
मिथुन – भागदौड बढ्नेछ । स्वास्थ्यको विशेष ख्याल गर्नुहोला । धननाश हुने योग छ भने अनावश्यक झमेलामा परिएला । रसरागमा भने रुचि बढ्नेछ । कार्यक्षेत्रसित सम्बन्धित काम बन्नेछ । दायित्व पूरा गर्नुहुनेछ । मिठो भोजन मिल्नेछ ।
कर्कट – मिठो भोजन प्राप्त हुनेछ । आरोग्य वृद्धि हुनेछ । रमाइलो तरिकाले कामहरु गर्न पाइनेछ । इष्टमित्रको साथ प्राप्त हुनेछ । प्रेममा सफलता प्राप्त हुनेछ । बौद्धिक र रचनात्मक काम बन्नुका साथै रोकिएका काम बन्नेछन् । मनोकूलको कर्ममा प्रवृत्ति बढ्ला । आनन्दमा वृद्धि होला । मानसम्मान ख्याति फैलिनेछ ।
सिंह – नसोचेको ठाउबाट धनलाभ भइ मन हर्षित हुने योग छ । तथापि भागदौड बढ्ला । शारीरिक र आर्थिक कार्यमा जोखिम नलिनु बेस होला । ऋण रोग र शत्रुप्रति पनि सचेत रहनुहोला । अरुको भरमा नबस्नु बेस होला ।
कन्या – शुभ र लाभदायक काम बन्नेछन् । रोकिएको काम बन्नुसँगै नयाँ काम पनि बन्नेछ । मान महत्व बढ्नेछ । जीवनसाथीको सहयोग मिल्नेछ । आयस्रोत बढ्ला । लगानी उठला । सुखशान्ति ऐश्वर्य अभिवृद्धि हुनेछ । साझेदारीको कार्य बन्नेछ । विलासमा रुची बढ्नेछ । यात्रामा सफलता हासिल हुनेछ ।
तुला – मान महत्व बढ्नेछ । गौरव वृद्धि हुनेछ । यात्रा हुनेछ । तर व्यर्थको खर्चले मन पिरोल्ला । सोच्दै नसोचेको ठाउमा पैसा खर्च होला । चिन्ता बढ्न सक् छ । स्वास्थ्यमा भने सुधार हुनेछ । कार्यक्षेत्रमा सफलता मिल्नेछ । नयाँ कार्यमा पनि सफलता पाउनुहुनेछ । आफन्तको सहयोग समर्थन मिल्नेछ ।
वृश्चिक – आरोग्य वृद्धि हुनेछ । मिठो भोजन प्राप्त हुनेछ । प्रियजनसंगको भेटले मन प्रफुल्ल रहला । प्रेमपथमा प्रगति होला । तर लेनदेनमा विवाद हुन सक्छ, विचार पुर्याएर व्यवहार गर्नुहोला । सद्कर्म पथमा प्रगति होला । भाग्योदय होला । आफन्तको सहयोग बढ्ला । बौद्धिक र रचनात्मक कार्यमा सफल हुनुसँगै गीतसंगीतमा पनि आकर्षण बढ्नेछ । धैर्य र संयमले काम गरेमा सफलता मिल्नेछ ।
धनु – व्यस्तता बढ्नेछ । अरूको भरमा बस्नु र विवादमा पर्ने उचित हुनेछैन । आफ्नै बल विवेकले कार्य गर्नु बेस रहला । देखिएको समस्याको समाधान गर्नुहुनेछ । शारीरिक र आर्थिक हीत हुने काममा लाग्नु हीतकर रहला । विलास, खेलकुद र भ्रमण आदिमा रुचि बढ्ला । जोखिमप्रति सचेत रहनुपर्नेछ ।
मकर – ऋण रोग र शत्रुलाई जित्ने सामर्थ्य बढ्नेछ । साहसिक काम बन्नेछ । रमाइलो तरिकाले कामहरु गर्न पाइनेछ । मिठो भोजन मिल्नेछ । रसरागमा रुचि बढ्ला । आशा उत्साह बढ्नेछ । यात्रामा सफलता पाउनुहुनेछ । लेखन प्रकाशनसित सम्बन्धित कार्य बौद्धिक र रचनात्मक कार्य आदि क्षेत्रमा सफलता पाउनुहुनेछ । इष्टमित्रको सहयोग मिल्नेछ ।
कुम्भ – धनसम्पत्ति बढ्नुको साथै आरोग्यता पनि बढ्नेछ । तर वादविवादको सामना गर्नुपर्ने योग छ । आजका योजना पूर्ण कार्यान्वयन नहुन सक्छन् । घरपरिवारको स्थिति भने अनुकूल रहनेछ । कार्यव्यवस्था क्षेत्रमा सफलता मिल्नेछ । आरोग्यप्रद काममा सफलता मिल्नेछ ।
मीन – समय शुभ भाग्यवर्धक छ । तर मान सम्मान मिले पनि मनमा डर रहने छ । स्वास्थ्यका दृष्टिकोणले यो राम्रो समय छ । प्रयासरत काममा सफलता मिल्नेछ । बौद्धिक र रचनात्मक कार्य बन्नेछ । सुख–सुविधा बढ्नेछ । मनअनुकूलको काम बन्नेछ । मीठो भोजन खान पाउनुहुनेछ । भोगविलासमा आकर्षण बढ्नेछ । यात्रा होला । सन्ततिसुख बढ्ला ।
