फोटो। मृतक उपप्रमुख पदकी उम्मेदवार शुभावती कुर्मी
कपिलवस्तु, २७ बैशाख । नेपाली कांग्रेसको तर्फबाट महाराजगंज नगरपालिकामा उपप्रमुख पदकी उम्मेदवार शुभावती कुर्मीको गत राती मृत्यु भएको छ । हृदयघातका कारण राती करीब १ बजे उनको निधन भएको परिवारजनले बताए । मृतक कुर्मी महाराजगंज नगरपालिकाकी निर्वमान उम्मेदवार समेत हुन् ।
उप प्रमुख पदमा नेपाली कांग्रेसको तर्फबाट उम्मेदवार कुर्मीकी बुहारी २८ वर्षीय रीता कुमारी चौधरीलाई उम्मेदवार बनाईने तयारी गरिएको नेपाली कांग्रेस लुम्विनी प्रदेशका महामन्त्री सुरेन्द्र राज आचार्यले बताए ।
उप प्रमुख पदकी उम्मेदवार कुर्मीको मृत्यु भए लगत्तै नेपाली कांग्रेस कपिलवस्तुले निर्धारित मितिमै मतदान हुने गरी नयां उम्मेदवार दर्ता गराउन र निर्वाचनमा आफुहरु सहभागी हुन तयारी अवस्थामा रहेको लिखित जानकारी पत्र मुख्य निर्वाचन अधिकृतलाई बुझाई सकिएको महामन्त्री आचार्यले बताए ।
उम्मेदवार कुर्मीको निधन प्रति नेपाली कांग्रेस कपिलवस्तु जिल्ला कार्य समितिका सभापति अब्दुल कलाम खां, नेपाली कांग्रेस लुम्विनी प्रदेश समितिका महामन्त्री सुरेन्द्र राज आचार्य, पार्टीका पुर्व जिल्ला सभापतिहरु कमलेश कुमार शर्मा, राजेश आचार्य, सुधाकर पाण्डेय, पुर्व राजदुत दीपकुमार उपाध्याय, पुर्व राष्ट्यि सभा सदस्य दिर्घ नारायण पाण्डेय, क्षेत्रीय सभापति केशब श्रेष्ठ लगायतका नेताहरुले समवेदना प्रकट गरेका छन् ।
