आजको पञ्चाङ्ग
श्रीशाके १९४४ नेपाल सं. ११४२ नलनामक संवत्सर ग्रीष्म ऋतु वि.सं. २०७९ ज्येष्ठ २ गते तद्अनुसार सन् २०२२ मे १६ तारिख सोमबार वैशाख शुक्लपक्षको पूर्णिमा तिथि विशाखा नक्षत्र वरियाण योग ४ः३४ पर परिघ योग बालव करण आनन्दादिमा मित्र योग चन्द्रमा तुला राशिमा ८ः३४ बजेसम्म त्यसपछि वृश्चिक राशिमा भ्रमणशील रहनेछ । काठमाडौंमा सूर्योदय बिहान ५ः१७ मा भयो र सूर्यास्त साँझ १८ः४५ बजे हुनेछ । चण्डी पूर्णिमा, गौतमबुद्ध जयन्ती, गोरखनाथ जयन्ती, वैशाख स्नान समाप्ति, उभौली पर्व ।
आजको राशिफल
मेष – आजको दिन मित्रभाव वृद्धि होला । नयाँ काम र जिम्मेवारी हात पार्ने मौका छ । धार्मिक तथा परोपकारजन्य क्रियाकलापमा संलग्नता बढ्नेछ । रोकिएका काम सम्पादन हुनेछन् । आफन्तको साथ प्राप्त हुनेछ । मान महत्त्वमा बढोत्तरी होला । आमोदप्रमोदमा रमिरहनुहुनेछ ।
वृष – शुभता बढ्नेछ । कठोर परिश्रमले सफलता प्राप्त हुनेछ । प्रशंसकहरू बढ्नेछन् । सहयोगीहरूले काममा साथ दिनेछन् । राम्रै फाइदाको योग छ । विगतको श्रमबाट धन लाभ हुनेछ । प्रतिस्पर्धा वा मुद्दामामिलामा विजयी भइनेछ । रसरागमा आकर्षण बढ्नेछ । परिवारिक सुख र उत्साह बढ्नेछ ।
मिथुन – समस्याको समाधान प्राप्त हुनेछ । प्रतिष्ठित काम गर्ने मौका छ । अरूलाई प्रभावित पारेर काम बनाउने समय छ । दाम, इनाम र प्रतिष्ठा कमाउने बेला छ । दिन उत्साहपूर्ण रहला । सुखद समाचार सुन्न पाइनेछ । समस्याको समाधान खोज्नुहुनेछ । कुनै पनि महत्वपूर्ण निर्णय र ठुलो रकमको लगानी विशेष हितकर हुनेछ ।
कर्कट – प्रेमभाव बढ्नेछ । तर सानातिना काम र घरेलु समस्यामा पनि अल्झनुपर्ने देखिन्छ । मिथ्या भ्रमणमा समय बित्न सक्छ । स्वास्थ्यगत समस्याले पनि सताउने देखिन्छ । मिठो भोजन प्राप्त हुनेछ । पारिवारिक सुख मिल्नेछ ।
सिंह – आरोग्यता वृद्धि हुने र मित्रजनको सहयोग रहने योग भए पनि लेनदेनमा विवाद होला । प्रयत्न गर्दा व्यावसायिक काम सम्पादन हुनेछन् । इष्टदेवको उपासना गर्नाले फाइदा हुनेछ । दाम्पत्य जीवन सुखद तथा समृद्ध बन्ने देखिन्छ । बौद्धिक रचनात्मक र कलात्मक काममा सफलता मिल्नेछ ।
कन्या – आँट उत्साह बढ्नेछ । विशेष सभा(समारोहमा सहभागी बन्ने मौका छ । आर्थिक अभावले भने अलि सताउनेछ । काममा मातापिताको सहयोग प्राप्त होला । मान महत्वमा कमी आउने छैन । समस्याको समाधान मिल्नेछ ।
तुला – शुभ र धनवर्द्धक काममा ध्यान केन्द्रित गर्नु बेस होला । रसरागमा रुचि बढ्नेछ । परिश्रम परे पनि काममा सफलता नै मिल्नेछ। भाग्योन्नतिको समय छ । सहयोगीहरूले साथ दिनेछन् र काममा सोचेजस्तै सफलता मिल्नेछ । रसरागमा आकर्षण बढ्नेछ । योजना र बजेट बनाइ काम गर्नु हितकर हुनेछ ।
वृश्चिक – आरोग्यता बढ्नेछ । साहसिक काम बन्नेछ । दिन मनोरञ्जनपूर्ण रहनेछ । बाध्यताका काममा जुट्नुपर्ला तर आम्दानी प्रशस्तै बढ्नेछ। आतिथ्यपूर्ण सम्मान पाइएला । प्रेमको बन्धन कसिने बेला छ । प्रतिस्पर्धी परास्त होलान् । सानो प्रयत्नले पनि राम्रो फाइदा उठाउन सकिनेछ । ऋण रोग र शत्रुलाई जित्ने क्षमतामा वृद्धि हुनेछ ।
धनु – सुख सफलता बढ्नेछ । रोकिएको काम बन्नुसँगै उधारो लगाइएको धन पनि उठ्ला । प्रतिस्पर्धाबाट लाभ मिल्ने योग छ । मान-सम्मान बढ्नेछ । बोलीको भरमा काम सम्पादन हुने योग छ। विचारले धेरैलाई आकर्षण गर्न सक्नुहुनेछ । गीतसंगीत र रसरागात्मक काममा आकर्षण बढ्नेछ ।सन्तानसुख बढ्ला । प्रेममा सफलता प्राप्त होला ।
मकर – ऋण रोग र शत्रुलाई जित्ने सामर्थ्य बढ्नेछ । धेरै श्रमपछि कम मात्र प्रतिफल पाइने समय छ भने भएको आम्दानी सञ्चय गर्न नसकिएला । मालमत्ता पनि चोरी वा नष्ट हुने योग छ, सचेत रहनुहोला । विचारले धेरैलाई आकर्षण गर्ने समय छ । प्रशंसकहरू बढ्नेछन् । अरुको भरमा बस्नु र विवादमा पर्नु उचित नहोला ।
कुम्भ – कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्ने योग भए पनि परिवारजनको भरणपोषणमा खर्च बढ्नेछ । उत्साहमा कमी आउला । अरूको विश्वास जिते पनि आफन्तबाट धोका हुन सक्छ, सचेत रहनुहोस् ।कर्मफल र अधिकारका लागि अलि प्रतिस्पर्धा गर्नुपर्ने देखिन्छ । साझेदारीको काम बन्नेछ । रसरागमा आकर्षण बढ्ला ।
मीन – आफन्तको साथ मिल्नेछ । आँटेका काम पूरा भइ धनको लाभ हुन सक्छ । ब्यापारमा गरेका प्रयासहरु सकारात्मक रहनेछन् । यात्रा पनि रमाइलो हुनेछ । लेखन प्रकाशनसित सम्बन्धित काममा सफलता मिल्नेछ । आर्थिक पक्ष बलियो बन्नेछ । सुख-सुविधाको वस्तु बढ्नेछन् । सुख विलास पनि बढ्नेछ । समस्याको समाधान मिल्नेछ ।
