- अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४४ वर्षा ऋतु नलनामक संवत्सर नेपाल सं. ११४२ वि.सं. २०७९ भाद्र ५ गते आइतबार तद्अनुसार सन् २०२२ अगस्त २१ तारिख भाद्रपद कृष्ण पक्षको दशमी तिथि रोहिणी नक्षत्र ६ः५९ पर मृगशिरा नक्षत्र हर्षण योग वणि करण आनन्दादिमा धाता योग चन्द्रमा वृष राशिमा भ्रमणशील रहला । काठमाडौंमा सूर्योदय बिहान ५ः३७ मा भयो र सूर्यास्त साँझ १८ः३५ मा हुनेछ ।
आजको राशिफल
मेष – सद्काममा सफलता प्राप्त हुनेछ । धन समृद्धि बढ्नेछ । कामका बाधाहरू हट्नेछन् । नसोचेको ठाउबाट धन प्राप्त होला । सुखदुःखमा साथ दिनेहरू प्रशस्तै भेटिनेछन्, परिवारजनको साथले नयाँ आशा पलाउनेछ । रसरागमा आकर्षण बढ्नेछ । काममा सफलता प्राप्त हुनेछ । ऋण, रोग र शत्रुमाथि विजय प्राप्त हुने दिन छ ।
वृष – व्यस्तता बढ्नेछ । स्वास्थ्यमा कमजोरी एवं काममा अवरोध आउने देखिन्छ । मुख्य काममा बाधा पुग्ला । सानातिना घरेलु काममै अल्झनुपर्दा मन खिन्न रहनेछ । भौतिक साधन बिग्रन सक्छ, ध्यान राख्नुहोला । लक्ष्य प्राप्त गर्न मुस्किल पर्ने देखिन्छ । इष्टमित्रको साथ प्राप्त हुनेछ । सन्तानसुख मिल्नेछ । रसरागमा आकर्षित हुनु हुनेछ ।
मिथुन – लगानी बढ्नेछ । कार्यक्षमता वृद्धि हुनेछ । प्रेममा आकर्षण बढ्नेछ । आज अर्थअभावले काम रोकिने सम्भावना छ । समस्याप्रति गम्भीर नबन्दा अवसर गुम्न सक्छ । आफ्नै कमजोरीले इष्टमित्र टाढिन सक्छन् । तथापि, सहयोगीहरूले राम्रो साथ दिनेछन् । आरोग्य वृद्धि हुनेछ । मिठो भोजन प्राप्त हुनेछ ।
कर्कट – आय वृद्धि हुने दिन छ । दिगो आम्दानी हुने काम सुरु होला । प्रतिस्पर्धाले आम्दानीको बाटो देखाउनेछ ।भने लाभ हुने काम प्रारम्भ गर्ने समय छ । साझेदारीमा फाइदा हुनेछ । आयआर्जनका स्रोत बढ्नेछन् । ऋण, रोग र शत्रुमाथि विजय प्राप्त हुनेछ । मनोकूलको काम बन्नेछ । रसरागमा आकर्षण रहला ।
सिंह – कर्मबल बढ्नेछ । आरोग्यता रहला । धेरैलाई प्रभावित बनाउन सकिनेछ । श्रमको उचित मूल्य पाइनुका साथै आम्दानी पनि बढ्नेछ । तथापि सहयोगको आशा देखाउनेहरूबाटै धोका पाइने सम्भावना छ । लामो यात्राको प्रक्रिया अघि बढ्नेछ । परिस्थितिसँग सम्झौता गर्नुपर्दा मन खिन्न बन्न सक्छ । खेलकुद, भ्रमण आदिमा आकर्षण बढ्नेछ ।
कन्या – धर्मकर्म बढ्नेछन् । आज अरुका लागि समय खर्च हुन सक्छ । केही अवसर जुटे पनि परिस्थिति अलिक संघर्षमय रहला । अप्ठ्यारा कामको बोझ थपिन सक्छ । सवारीमा सावधानी अपनाउनुहोला । लेनदेनको विवादले अप्ठ्यारो पर्न सक्छ । शत्रुमाथि विजय प्राप्त हुनेछ । साझेदारीको काम बन्नेछ । रसरागमा आकर्षण बढ्नेछ ।
तुला – भागदौड बढ्नेछ । सहयोगीहरूले धोका दिन सक्छन्, सावधान रहनु होला । व्यावसायिक काममा खर्च बढ्नेछ, अरूका काममा महत्वपूर्ण समय बित्न सक्छ, तापनि सेवामूलक कामले प्रतिष्ठा दिलाउने छ । अवसर आए पनि नयाँ काममा हातहाल्नुअघि विचार पुर्याउनुपर्नेछ । मिठो भोजन मिल्नेछ । बोली र व्यक्तित्वको प्रभाव बलियो बन्नेछ ।
वृश्चिक – परिवारिक सुख प्राप्त हुनेछ । आयस्रोत बढ्नेछ । कर्ममा सफल साबित हुनुहुनेछ । प्रतिष्ठित काम गर्ने अवसर प्राप्त हुनेछ । सुखदुःखमा साथ दिनेहरू प्रशस्तै फेला पर्नेछन् । नयाँ काम प्रारम्भ हुन सक्छ । अतिथिका रूपमा सम्मान प्राप्त हुन सक्छ । स्वास्थ्यमा ध्यान पुर्याउनुहोला । कल्याणकारी कार्यमा आकर्षण बढ्नेछ ।
धनु – आरोग्यबल वृद्धि होला, सकरात्मकता बढ्नेछ । लगनशीलताले गुमेको प्रतिष्ठा दिलाउन सक्छ । पढाइलेखाइमा समय दिन नसकिएला, सहयोगीहरूको भरपर्दा सबै काम नबन्न सक्छ । तथापि, वित्तादि लाभ हुने देखिन्छ । बिनाप्रतिस्पर्धा फाइदा हुने योग छ । लगानी उठाउन चाहेमा सफल रहनुहुनेछ ।
मकर – आजको दिन विशेष योजनामा अघि बढ्नुपर्दा गोपनीयतामा विशेष ध्यान पुर्याउनुहोला । स्वास्थ्य कमजोर रहनाले काम सम्पादन गर्न नसकिएला । समयमा काम पूरा नहुनाले अवसर गुम्न सक्छ । मिठो भोजन प्राप्त हुनेछ । रसराग प्रेममा सफलता मिल्नेछ । आफन्तको साथ मिल्नेछ ।
कुम्भ – पराक्रम बढ्ने र प्रयासरत काम बन्न भए पनि परिवारजनमा असमझदारी बढ्नाले बाधा पुग्ने सम्भावना छ । आम्दानी बढ्नेछ भने परिवारजनका आवश्यकता पूरा हुनेछन् । समस्याको समाधान मिल्नेछ । मान प्रसंशा बढ्नेछ । बोली र व्यक्तित्वको प्रभाव बढ्ला । आरोग्यता बृद्धि होला । आजको दिन ब्यस्त रहनुहुनेछ ।
मीन – सामान्यतया दिन राम्रै रहेको छ । पराक्रम बढ्नेछ । आफन्तहरूको सञ्जालबाट फाइदा लिन सकिनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । विभिन्न सहयोग र उपहार पाइनेछ । सजिलै काम बन्नाले उत्साह जाग्नेछ । शुभ काममा भाग लिनु हुनेछ । रसरागमा रुचि बढ्नेछ ।
