काठमाण्डौं । साझा न्यूज
चार्टर एकाउन्टेन्ट विनय चौधरी नेपाल सरकारको राष्ट्रिय जेष्ठ नागरिक कोषको सदस्य पदमा चयन भएका छन् । समाज कल्याण परिषद कार्य संचालन समितिको साउन २७ गतेको निर्णय अनुसार जेष्ठ नागरिक कोषको सदस्य पदमा सि.ए.चौधरीलाई ४ वर्षका लागि चयन गरिएको हो ।
जनता समाजवादी पार्टीका राष्ट्यि लेखा समितिका सदस्य समेत रहेका सि.ए.चौधरी पछिल्लो समय जनता समाजवादी पार्टीका सक्रिय युवा नेताको रुपमा क्रियाशील छन् । पेशाले अडिट फर्म संचालन गर्दै आएका नेता चौधरी पार्टीको जिम्मेवार नेताको रुपमा रहदै आएको जनता समाजवादी पार्टी कपिलवस्तु जिल्ला अध्यक्ष ईरफान खानले बताए ।
वर्तमान सरकारमा आफ्नो पार्टीको पनि सहभागिता रहेको र महिला वालबालिका तथा समाज कल्याण मन्त्रालय मार्फत सि.ए.चौधरीलाई जेष्ठ नागरिक कोषको सदस्य पदमा मनोनित गर्न सिफारिस गरिएको पार्टीका कपिलवस्तु अध्यक्ष ईरफान खानले बताए ।
सरकारले दिएको यो जिम्मेवारीलाई आफुले ईमान्दारीपूर्वक निर्वाह गर्ने नवनियुक्त कोष सदस्य चौधरीले बताए ।
