आर.के.मिश्रा । साझा न्युज संवाददाता
साझा न्यूज । दाङ्ग
कपिलवस्तु जिल्लाका कृषकहरुलाई सरकारी अनुदानको मलखाद निकै अपुग भएको भन्दै लुम्विनी प्रदेश सभा सदस्य तथा कांग्रेस नेता सुधाकर पाण्डेयको नेतृत्वको टोलीले लुम्विनी प्रदेशका कृषि मन्त्री दिनेश पन्थी संग डेलिगेशन गएको छ ।
खेतीयोग्य जमीनको क्षेत्रफल र कृषि उत्पादनका हिसाबले कपिलवस्तु जिल्ला मलुकमै अग्रस्थानमा भएको तर कृषकलाई वितरण गरिने सरकारी अनुदानको रसायनिक मलखाद कपिलवस्तुमा तुलनात्मक हिसाबले निकै कम आउने अवस्था बारे डेलिगेशनका क्रममा प्रदेश सभा सदस्य सुधाकर पाण्डेयले मन्त्री पन्थीलाई जानकारी गराए ।
सो अवसरमा प्रदेश सभा सदस्य पाण्डेयले कपिलवस्तु जिल्लामा सहज ढंगबाट रसायनिक मलखाद उपलब्ध गराउन मन्त्ती पंथीलाई आग्रह समेत गरे ।
मन्त्री पन्थीले मलखादको समस्याबाट बारेमा सुनी सके पछि कृषि उत्पादन बढी हुने जिल्लालाई अब मलखाद आपुर्तिमा विशेष कोटाको व्यवस्थाका लागि आफुले पहल गर्ने प्रतिवछता व्यक्त गरे ।
लुम्विनी प्रदेश सभा सदस्य पाण्डेयका साथमा कपिलवस्तु नगरपालिकाका नगर प्रमुख सुदीप पौेडेल, कृषि विज्ञ तथा नेपाली कांग्रेसका नेता खुर्सेद अहमद खां, कांग्रेस नेताहरु गफ्फार धुनिया, मोहब्बत अली खान, राजेश उपाध्याय लगायतका नेताहरु रहेका थिए ।
