काठमाडौँ । बारास्थित सिमरा विमानस्थलको गेट तोडफोड गरिएको छ । बाराको परवानीपुरमा आयोजना गरिएको एमाले प्रदेश जागरण कार्यक्रममा एमाले नेताहरू सहभागी हुने जानकारी पाएपछि जेनजी युवाहरूले उनीहरूलाई रोक्न बुधबार सिमरा विमानस्थल बाहिर प्रदर्शन गरेका थिए । सो क्रममा विमानस्थलको बाहिरको गेट समेत तोडफोड गरिएको छ ।
प्रदर्शनकारी रोक्न प्रहरीले केहि राउण्ड अश्रुग्यास समेत प्रहार गरेको थियो । सुरक्षा जोखिम रोक्न कर्फ्यु आदेश समेत जारी गरिएको छ ।
जीतपुरसिमरा उपमहानगरपालिकाको केहि क्षेत्रमा कर्फ्यु आदेश जारी गरिएको छ । जेनजी युवा र एमाले कार्यकर्ताबिच झडप भएपछि सिमरा विमानस्थल आसपास क्षेत्रमा जिल्ला प्रशासन कार्यालय बाराले कर्फ्यु आदेश जारी गरिएको बारा प्रशासनले जनाएको छ ।
जीतपुरसिमरा उपमहानगरपालिका वडा नम्बर–२ सिमरा चोकमा जेनजी युवा समूह र नेकपा (एमाले) कार्यकर्ताबिच झडप भएको थियो ।
