गाँजा बोकेर कतारको दोहा जान लागेका यात्रु त्रिभुवन अन्तर्राष्ट्रिय विमानस्थलमा पक्राउ परेका छन्।
चितवनको खैरेनी १० का २९ वर्षीय बुद्धिराज पाठकलाई प्रहरीले मंगलबार साढे १० बजे पक्राउ गरेको हो।
उनी कतार एयरवेजको विमानबाट दोहा जान लागेको विमानस्थल प्रहरीले जनाएको छ।
ग्यास्ट्रिक हरण पूर्ण, सगरमाथा आयुर्वेदिक औषधी उद्योग गोकर्णेश्वर १ काठमाडौं लेखिएको बट्टाभित्र लुकाएर लगेका थिए। पाठकले लगेजभित्र ८०० ग्राम गाँजा फेला परेको प्रहरीले जनाएको छ।
उनलाई लागूऔषध नियन्त्रण ब्युरो कोटेश्वरको टोलीलाई जिम्मा लगाइएको विमानस्थल सुरक्षा प्रहरी कार्यालयले जनाएको छ।
