धादिङ । धादिङ जिल्लामा लागुऔषध चरेशसहित सिरहा जिल्लाका १९ वर्षीय अर्जुन यादव पक्राउ परेका छन् ।
धुनिवेशी नगरपालिका–६ नौविसेस्थित सडकबाट करीब ५ किलो अवैध लागुऔषध चरेशसहित सिरहा जिल्लाको सुखिपुर नगरपालिका–२ बस्ने यादवलाई मंगलबार बिहान प्रहरीले पक्राउ गरेको विज्ञप्तिमार्फत जनाएको छ ।
शंकास्पद रुपमा हिँडिरहेका बेला ईलाका प्रहरी कार्यालय खानीखोलाबाट खटिएको प्रहरीले जाँच गर्ने क्रममा यादवको साथमा १० वटा प्याकेटमा रहेको चरेश फेला पारेको थियो ।
