कपिलवस्तुको बुद्धभुमी नगरपालिका वडा नम्बर १० स्थित गोरुसिंगे जंगलमा अज्ञात ब्यक्तिहरुले गोली प्रहार गरी ८ लाख नगद लुटपाट गरेर फरार भएका छन ।
तौलिहवा- गोरुसिंगे सडक अन्तर्गत तिलौराकोट साझेदारी वनको अफिस नजिकै मोटरसाईलमा आएका २ जनाले कारमा सवार एक जनामाथी गोली प्रहार गरी सो नगद लुटेर भागेका हुन ।
बिहीवार दिउसो ३ बजेतिर प्र- ३- ०१- २३ च ८०८९ नम्बरको कारमा सवार मायादेबी गाउपालिका-४ चाकरचौडाका रामरक्षा जैसवालमाथी गोली प्रहार गरी लुटेरहरु भागेको प्रहरी उपरिक्षक दान बहादुर कार्कीले बताए।
लुटेराले गोली प्रहार गर्दा गोलि भने कारमा लगेको थियो। फरार लुटेराहरुको खोजि भैईरहेको प्रहरीले जनाएको छ।
