विदेशमा रहेका केहि महिलाहरु कतिपय दुश्चरित्र भएका नेपाली पुरुषहरुबाटै असुरक्षित हुने गरेका विभिन्न घटनाक्रमहरु बेला बेला बाहिर आउने गरेका छन् ।मजदुरीको शिलशिलामा विभिन्न देशहरूमा कार्यरत केही महिलाहरु फरक फरक तरिकाबाट हिंसामा परेको गुनासोहरु सुनाउने गर्छन् ।खाडि मुलुक या अन्य मुलुकमा कार्यरत कतिपय नेपाली महिलाहरुलाई नेपाली कतिपय पुरुषहरुले अस्वभाविक रुपमा सम्बन्ध गाँसेर विभिन्न हिंसाहरु गर्दै आएको पीडा सुनाउने महिलाहरुको संख्या धेरै छ ।
यस्ता पीडाहरु पचाएर बस्नु परेको युएईबाट केही समय अघि नेपाल पुगेकी एक महिलाले बताइन् ।यस्तै पीडाबाट पीडित बनेकी सिन्धुपालचोककी हाल कोरिया रहेकी दिपा थापाले (नाम परिवर्तित)आफू कोरियामा एकजना व्यक्तिले अति सताएको गुनासो गरिन ।
कताबाट फेसबुकमा साथि रहेछ, सुरेश खत्री भन्ने व्यक्ति उसले विभिन्न तरिकाबाट हिंसा गरेको बताइन् । खत्रीले आधा रातमा फोन गरेर जे पायो त्यहि भन्ने ,गाली गर्ने तथा गलत नियतले बोल्ने गरेको र उक्त व्यक्ति बाट आफू पीडित बनेको बताइन् । खत्रीले पटक पटक जुनसुकै समयमा पनि फोन गरि जथाभावी बोल्ने गरेको बताइन् ।
म बाध्य भएर उसको नाम लिदै छु ,यस्ता घटना अन्य पनि छन, उनले भनिन् । केहि दिन अघि म सुतिरहेको थिए उक्त व्यक्तिले म्यासेन्जरमा राति २ बजे कल गरेछ, मैले रिसिभ गरेन । तर सोहि समयमा सुरेशले म्यासेज गरेर आपत्तिजनक तरिकाले कुरा गरेको पिडित महिलाले बताइन् ।खत्रीको उक्त कुराले आफुलाई निकै तनाव भएको उनले बताइन् ।
हाल कोरिया मै रहेका बागलुङ घर भएका शुरेसले मध्यरातमा फोन गर्ने गरेको र दिपाले अति आवश्यक काम नभइ कल नगर्न र रातिको समयमा अनुमतिबिना फोन नगर्न अनुरोध गर्दा पनि नमानेको पिडित महिलाले बताइन् ।
खत्रीले रातको समयमा फोन गरि कल रिसिभ नभए पछि असभ्य भाषा र हिंसात्मक खालको शब्द बोलेकोले आफ्नो आत्मा सम्मानमा चोट पुगेको दिपाले भनिन् । नत्र आधा रातको समयमा एउटी महिलालाई बिना काम फोन गर्नुपर्ने कुनै पनि कारण नभएको तर पनि खत्रीले किन फोन गरे भन्ने विषय गम्भीर बनेको छ ।
खत्रीबाट पीडित अन्य महिलाहरुको संख्या धेरै रहेको पिडितको भनाइ छ ।खत्री बिरुद्ध आफु प्रमाण सहित कानुनी उपचारमा जाने समेत दिपाले बताईन् । खत्रीलाई दिपाले फेसबुकबाट भने हटाइ सकेकी छिन्।
