विजयनगरका वडाध्यक्ष दिनेश कुमार चौधरी दोहोरिन प्रबलता रहेको छ।
बिजयनगरको स्थानीय तहको चुनावमा अहिले छुट्टै रौनक छाएको छ । कुनै-कुनै वडामा नयाँ अनुहार आउने आश छ भने केही वडामा पुरानो अनुहार दोहोरिने अवस्था देखिन्छ।
त्यस्तै विजयनगर-७मा नेकपा एमालेका वडाध्यक्ष पदका उम्मेदवार दिनेश कुमार चौधरी दोहोरिने प्रबलता रहेको छ।
चौधरी राजनीतिमा आउनु भन्दा पहिले पनि सामाजिक अभियन्ताका रूपमा समाज सेवामा अहोरात्र खटेर काम गर्ने गर्दथे र पछिल्लो पटकको चुनावमा दिनेश कुमार चौधरी नेकपा एमाले बाट नै वडाध्यक्ष पदमा निर्वाचित भएका थिए। निवर्तमान वडाध्यक्षहरु मध्ये सवै भन्दा बढि सक्रिय, कर्मठ र तुलनात्मक रूपमा वडा नम्बर ७ लाई सवै क्षेत्रमा विकास गरेका वडाध्यक्ष हुन साथै चौधरी सर्वसाधारणहरुकाे सुख दुःखमा सधैं साथ सहकार्य गर्ने एक राम्रा सेवकको रूपमा पहिचान बनाएका
छन्।
निवर्तमान वडाध्यक्ष तथा वडाध्यक्ष पदका उम्मेदवार दिनेश कुमार चौधरीले भन्छन् “शिक्षा , स्वास्थ्य र अन्य क्षेत्रकाे गुणस्तरीयता देखि लिएर विकास निर्माणका कार्य तुलनात्मक रुपमा फड्को मारेकाे जिकिर गरे । ”
२०७४ सालमा वडाध्यक्षमा निर्वाचित भएपछि वडामा वार्थिङ सेन्टरदेखि लिएर स्वास्थ्य कार्यालयको भवन निर्माण लगायत शिक्षालाई समेत जाेडदिएकाे बताए । निवर्तमान वडाध्यक्ष चौधरीले भने : “मेराे कार्यकालमा भष्ट्रचार भएन र अबकाे निर्वाचन जितेर आएमा भष्ट्रचारविरुद्घ थप सशक्त भएर लाग्ने छु भनि प्रतिबद्धता जाहिर गरेका छन् ।”
उनले भने आफू वडा अध्यक्ष हुँदा विगतमा आफ्नाे प्रतिबद्धता अनुरुप नै काम गर्दै आएपनि केहि बर्ष सिकाई र काेभिडले प्रभावित भएकाे उल्लेख गरे । एकपटक पुनः वडाध्यक्ष पदमा आफूलाई विजय गराउन आग्रह गर्दै जित सुनिश्चित हुने समेत उनले दावी गरे । उनले आफूले बाेलेका कुरालाई व्यवहारमा उतारेकाे र घाेषणपत्रमा समेत समावेश गरेकाे बताए ।
अधिकांश जनताकाे मन जित्ने एकमात्र बलियाे पार्टी एमाले रहेकाेले वडा भित्रका समग्र चाैतर्फी विकास गर्न वडा अध्यक्षमा पुनः दिनेश कुमार चौधरी आउनुपर्ने स्थानीयले बताउछन् ।
