कास्की – नेपाली कांग्रेसका महामन्त्री गगन थापालाई कास्की क्षेत्र नम्बर १ बाट प्रतिनिधि सभा सदस्य उम्मेदवार बनाउन आवेदन परेको छ ।
कांग्रेस कास्की १ क्षेत्रीय समितिको बैठकमा थापालाई उम्मेदवार बनाउन प्रस्ताव गरिएको हो । समितिले आकाङ्क्षीहरूलाई बुधवार ३ बजेसम्म नाम प्रस्ताव गर्न आह्वान गरेको थियो । थापाको तर्फबाट नेपाली कांग्रेस कास्कीका सचिव भानु ढकालले हस्ते दस्तखत गरी आवेदन दिनुभएको हो ।
कास्की १ बाट प्रत्यक्ष उम्मेदवार बन्न सह–महामन्त्री जीवन परियारसहित १६ जनाको आवेदन परिसकेको छ । नौ जनाले समानुपातिक उम्मेदवार बन्न निवेदन दिएका नेपाली कांग्रेस कास्की १ का सचिव सरोज केसीले जानकारी दिनुभयो । जिल्ला सचिव ढकालले स्थानीय नेता, कार्यकर्ताको चाहनाअनुसार महामन्त्री थापालाई कास्की १ बाट प्रत्यक्ष उम्मेदवार बनाउन आवेदन हालिएको जानकारी दिनुभयो ।
प्रतिनिधि सभा कास्की क्षेत्र नम्बर १ मा नेपाली कांग्रेसबाट प्रत्यक्षतर्फका आकाङ्क्षीहरू यी हुन्–
१, कृष्ण बहादुर केसी २, गुरुप्रसाद बराल ३, सुदिप मोहन भट्टराई ४, जीवन परियार ५, तिलकबहादुर रानाभाट ६, विश्व घिमिरे ७, वीरबहादुर बुढाथोकी ८, कृष्ण कार्की ९, रामबाबु भण्डारी १०, दीपक सुवेदी ११, होमबहादुर बसेल विमल १२, सुनिल गुरुङ १३, किशोरदत्त बराल १४, चतुराखर अधिकारी १५, सरस्वती गुरुङ १६, गगनकुमार थापा १७, यज्ञबहादुर थापा
समानुपातिकतर्फ स्
१, तारानाथ रानाभाट २, सरस्वती गुरुङ ३, तीर्थ जङ्गली ४, राजकुमार गुरुङ ५, सूर्यप्रसाद भण्डारी ६, खलिल मियाँ ७, विन्दु भण्डारी ८, रामबहादुर केसी ९, तर्कजङ्ग गुरुङ
