काठमाडौँ । पछिल्लो २४ घण्टामा २०३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार पाँच हजार ५९ जनाको पिसिआर र एन्टिजेन परीक्षण गर्दा २०३ जनामा कोरोना पुष्टि भएको हो ।मन्त्रालयका अनुसार १३ सय जनाको पीसीआर परीक्षणबाट ८७ र तीन हजार ७५९ जनाको एन्टीजेन परीक्षणमा ११६ कोरोना पुष्टि भएको हो ।
त्यस्तै, पछिल्लो २४ घण्टामा १२६ जना सङ्क्रमित सङ्क्रमणमुक्त भएका छन् भने मृत्युदर शून्य रहेको मन्त्रालयले जनाएको छ ।देशभर हाल सक्रिय सङ्क्रमितको सङ्ख्या दुई हजार २३२ जना छन् ।
यसैगरी, पछिल्लो २४ घण्टामा चार लाख २९ हजार ८०७ जनाले कोरोनाविरुद्धको खोप लगाएका छन् ।
