आजको पञ्चाङ्ग
श्रीशाके १९४३ नेपाल सं. ११४२ राक्षस नामक सम्वत्सर हेमन्त ऋतु वि.सं. २०७८ पौष २१ गते तद्अनुसार सन् २०२२ जनवरी ५ तारिख बुधबार पौष शुक्लपक्ष तृतीया तिथि श्रवण नक्षत्र बज्र योग तैतिल १ः१ पर वणि करण आनन्दादिमा छत्र योग चन्द्रमा मकर राशिमा भ्रमणशील रहनेछ । काठमाडौंमा सूर्योदय बिहान ६ः५७ मा र सूर्यास्त साँझ १७ः२१ बजे हुनेछ ।
आजको राशिफल
मेष – पैत्रिक सम्पत्तिमा भागबण्डाका लागि अनुकुल समय छ । दाजुभाइमा असमझदारी बढ्न सक्छ तर कार्यसफलता प्राप्त हुनेछ । रोकिएको काम बन्नुका साथै नयाँ काम बन्नेछ । सुख शान्ति बढ्ला । साझेदारीको काम बन्नेछ । मिठो भोजन खान पाउनुहुनेछ । ख्याति फैलिनेछ ।
वृष – धनहानी हुन सक्छ । बन्धुबान्धवसँग मनमुटान हुन सक्छ । मानहानीको सम्भावना छ । आर्थिक अभावले सताउला । बौद्धिक र रचनात्मक काममा सफलता मिल्नेछ । बोली र व्यक्तित्वको प्रभाव बढ्नेछ । विशेष प्रयत्नबाट समस्याको समाधान मिल्नेछ ।
मिथुन – पारिवारिक समस्या उत्पन्न हुन सक्छ । तथापि, दिउँसोको समयपछि शुभ होला । दाम्पत्य सम्बन्धका लागि अनुकुल समय छ । भागदौड तथा ब्यस्तता बढ्नेछ । कठोर परिश्रमले सफलता प्राप्त हुनेछ । भ्रमणमा आकर्षण बढ्नेछ । जोखिममा नपर्नु हितकर हुनेछ ।
कर्कट – रोकिएका काम बन्नेछन् । अतिरिक्त आम्दानी होला । पेटसम्बन्धी समस्या आउन सक्छ, विचार राख्नुहोला । मिठो भोजन प्राप्त हुनेछ । शुभ काममा लाग्नु हितकर हुनेछ । प्रेममा सफलता प्राप्त हुनेछ । वार्तामा सफलता मिल्नेछ । बोली र व्यक्तित्वको प्रभाव बढ्ला । सुख सुविधाको वस्तु बढ्नेछ । सभासमारोहमा मान मिल्नेछ । धनको आवागमन भैरहनेछ । रसरागमा आकर्षण बढ्नेछ ।
सिंह – समाजसेवाका कार्य होलान् । नोकरीमा पदोन्नति होला । आय आर्जनको कार्यमा बाधा पुग्न सक्छ । नसासम्बन्धी समस्या उत्पन्न हुन सक्छ । सुख शान्ति र समृद्धि बढ्नेछ । आरोग्यता बढ्नुको साथै आँट उत्साह पनि बढ्नेछ । बौद्धिक रचनात्मक कलात्मक आदि कार्यमा सफलता मिल्नेछ । यात्रापरक र लेखन प्रकाशनसित सम्बन्धित काममा पनि सफलता मिल्ला । साहसिकताको क्षेत्रसित सम्बन्धित काम बन्नेछ । उन्नति हुनेछ । ऋण रोग र शत्रुमाथि विजय प्राप्त होला ।
कन्या – झुठा आरोप लाग्न सक्छ । काममा बाधा पुग्ला । स्वास्थ्यमा पनि सामान्य समस्या देखापर्न सक्छ । धन भने मनग्गे आर्जन हुने योग छ । प्रेममा रुचि बढ्ला । यात्रामा सफलता प्राप्त होला । बोली र व्यक्तित्वको प्रभाव बलियो बन्नेछ । सन्तानको सहयोग मिल्नेछ । खेलकूद र भ्रमणमा आकर्षण बढ्नेछ । आमोदप्रमोदमा रमीरहनु हुनेछ ।
तुला – विभिन्न अवसर खुल्न सक्छ । घरजग्गा जोड्ने समय छ । साना व्यक्तिको सहयोगले ठूलै काम बन्न सक्छ । जोखिमपूर्ण कार्य रुचिप्रदायक रहला, तर सद्कार्यमा लाग्दा नै शुभ रहला । ठगी र विश्वासघातदेखि सचेत रहनुपर्नेछ । गोप्य काम बन्नेछ । आरोग्यतामा ध्यान दिनुपर्नेछ । विवादबाट बच्नुहोला ।
वृश्चिक – व्यवसाय विस्तार हुन सक्छ । रोकिएका काम सुचारु होला । विश्वासमा पारेर धोका दिनेले अप्ठ्यारोमा पार्न सक्छन् र पनि कार्यमा सफलता मिल्नेछ । नयाँ सम्भावना देखा पर्ला । आशा उत्साह वृद्धि होला । धन सम्पत्ति बढ्नेछ । दायित्व बढ्ला र दायित्वलाई पूरा पनि गर्नुहुनेछ । सुखको वस्तु बढ्ने सम्भावना रहला । भोगविलासमा आकर्षण बढ्नेछ । पारिवारिक सुखशान्ति बढ्नेछ । आर्थिक लगानीमा वृद्धि हुनेछ ।
धनु – सामाजिक प्रतिष्ठा बढ्नेछ । सहयोगीजनको राम्रो साथ पाइनेछ । विद्यार्थीका लागि राम्रो समय छ । धन मान साहस बढ्नेछ । आयस्रोत बढ्ला । रोकिएको काम बन्ला र लगानी उठ्नेछ । गौरव वृद्धि हुनेछ । पारिवारिक सुख आनन्द पनि बढ्नेछ । योजना र बजेट बनाइ कार्य गर्नु उचित हुनेछ ।
मकर – विवेकको उपयोग नहुँदा बोलीको गलत अर्थ लाग्न सक्छ । सन्तानसुख मिल्नेछ । स्थायी सम्पत्ति जोड्ने समय छ ता पनि विवेकको सही प्रयोग नहुन सक्छ । कर्मयोगी रहनुहुनेछ तर अरुको भरमा नबसे राम्रो रहला । मनोकूलको काम बनेर मन प्रसन्न होला । आरोग्यता बढ्ला । कलात्मक र रचनात्मक क्षेत्रसित सम्बन्धित काममा सफलता मिल्नेछ ।
कुम्भ – आम्दानीका विभिन्न माध्यम फेला पर्न सक्छ । पशुपालनमा राम्रै लाभ होला । रोजगारीका विभिन्न अवसर आउन सक्छ । यात्रा होला । खर्च बढ्नेछ । साझेदारीसित सम्बन्धित काम बन्नेछ । ऋण रोग र शत्रुसित लड्ने क्षमता बढ्नेछ । विजयश्री मिल्नेछ । भोग विलासमा आकर्षण बढ्ला । सुख शान्ति बढ्ला । छलकपट धोखाधडी आदिप्रति सचेत हुनु पर्ला ।
मीन – विभिन्न चुनौती सामना गर्नुपरे पनि अवसरहरूले पछ्याउनेछन् । ग्रहगोचर शुभ फलदायक छ । यात्रामा सफलता मिल्नेछ । आशा उत्साह बढ्नेछ । ऋण रोग र शत्रुसित लड्ने क्षमता बढ्ला । आफन्तको सहयोग मिल्नेछ । रोकिएको काम पूरा होला । विजयश्री मिल्नेछ । अन्नधन बढ्नेछ ।
