आजको पञ्चाङ्ग
श्रीशाके १९४३ नेपाल सं. ११४२ शिशिर ऋतु राक्षसनामक संवत्सर वि.सं. २०७८ माघ ८ गते तद् अनुसार सन् २०२२ जनवरी २२ तारिख शनिबार माघ कृष्णपक्ष चतुर्थी तिथि ७ः४१ पर पञ्चमी तिथि पूर्वाफाल्गुणी नक्षत्र ९ः३३ पर उत्तराफाल्गुणी नक्षत्र शोभन योग कौलव करण आनन्दादिमा लुम्ब योग चन्द्रमा सिंह राशिमा १५ः३६ बजेसम्म त्यसपछि कन्या राशिमा भ्रमणशील रहनेछ । काठमाडौंमा सूर्योदय बिहान ६ः५७ मा र सूर्यास्त साँझ १७ः३५ मा हुनेछ ।
आजको राशिफल
मेष – रोकिएको काम बन्नेछ तर पेशागत रुपमा समस्या देखिन सक्छ । मुद्दा मामिलामा पर्न सकिएला । अनौठो समाचार पनि सुन्न पाइएला । अनावश्यक डर, वादविवाद हुन सक्नाले होस पुऱ्याउनु होला । ऋण, रोग र शत्रुमाथि विजय प्राप्त हुनेछ । साहसिक कार्यमा रुचि बढ्ला । यात्रामा सफलता प्राप्त हुनेछ । बौद्धिक र रचनात्मक कार्य बन्नेछ ।
वृष – बौद्धिक र रचनात्मक काममा सफलता प्राप्त हुनेछ । मन हर्षित हुने दिन छ । सामाजिक कामबाट प्रशंसा प्राप्त हुनेछ । दिदीबहिनी वा कुटुम्बका काममा सघाउनुपर्नेछ । प्रेममा सफलता प्राप्त हुनेछ । इष्टमित्र र सन्तानसुख मिल्नेछ । मिठो भोजन प्राप्त होला । शारीरिक र आर्थिक कार्यमा प्रगति होला । खर्चमा नियन्त्रण आउनेछ । व्यापारमा सफलता मिल्नेछ । यात्रा हुन सक्छ ।
मिथुन – कठोर मिहिनेतले काममा सफलता मिल्नेछ । नजिकका मित्रबाट विशेष सहयोग र सुख प्राप्त हुने देखिन्छ । खुसीको खबर प्राप्त हुनेछ । चल–अचल सम्पत्तिको कारोवार हुन सक्नेछ । वैवाहिक जीवन सुखी हुने खालको दिन छ । मिहीनेत वृद्धि हुनेछ । नयाँ काममा सफलताको लागि विशेष ध्यान दिनुपर्ला ।
कर्कट – सुख बढ्नेछ । धैर्यले काम लिने समय छ, मित्रजनको सहयोग पनि प्राप्त होला । अल्झेका कामहरु अरुको सहयोगमा बन्ने छन् । अप्रत्याशित लाभ हुनेछ, टाढाको यात्राको पनि योग रहेको छ । हरेक क्षेत्रमा प्रगति हुनेछ । रसरागको कार्यमा प्रयासरत रहनुहुनेछ । व्यवसायिक पक्षसित सम्बन्धित काम बन्नेछ ।
सिंह – मान महत्व बढे पनि धनको नाश हुन दिने छ । पीडा दिनेहरु सक्रिय रहलान् । व्यर्थको खर्च हुनेछ खर्च घटाउने प्रयास गर्नुहोला । स्वास्थ्य खराब हुन नदिनका लागि खानामा एकदमै सावधान रहनुहोला । बौद्धिक र रचनात्मक काम बन्नेछ । मान्यजनबाट आशीर्वाद प्राप्त हुनेछ । वार्तामा सफलता प्राप्त हुनेछ । आफन्तको सहयोग मिल्नेछ ।
कन्या – आरोग्यता बढ्नेछ । काममा सफलता प्राप्त हुनेछ । ठूला व्यक्तिबाट बुद्धिको तारिफ हुनेछ । नयाँ कामको थालनी हुने दिन छ । रोकिएका काम बन्नाले आर्थिक पक्ष सबल बन्नेछ । मुद्दा–मामिलामा विजयी भइनेछ । व्यस्तता बढ्नेछ । कुनै पनि शारीरिक र आर्थिक जोखिममा नपर्नु उचित रहला । सन्तानको सहयोग मिल्नेछ ।
तुला – धनको आगमन भैरहनेछ । निर्माण तथा व्यवहारिक क्षेत्रमा मन लाग्नेछ । आफन्तमिलनले सुख दिनेछ । पैसो कमाउने योग साथै पाहुनाको आगमनले मन हर्षित रहला । आयआर्जनमा राम्रो दिन छ ।समस्याको समाधान मिल्नेछ । सुख समृद्धि मान पुरस्कार आदिमा विघ्नबाधाको डर रहला । मिठो भोजन खान पाउनुहुनेछ । अरुसित मिलेर काम गर्नु बेस रहला तर अरुको भरमा बस्नु र विवादमा पर्नु उचित हुने छैन ।
वृश्चिक – आयस्रोत बढ्ला । प्रतिस्पर्धाबाट फाइदा उठाउन सकिने छ । वैदेशिक क्षेत्रबाट लाभ लिने मौका छ । कामहरु पनि सजिलैसंग बन्नेछन् । यात्रामा सफलता मिल्नेछ । लेखन–प्रकाशनसित सम्बन्धित काम बन्नेछ । आरोग्यता बढ्ला । शत्रुसित लड्ने क्षमता बढ्नेछ । आफन्तको सहयोग प्राप्त होला । आर्थिक पक्ष बलियो बन्नेछ ।
धनु – धर्म पथमा सफलता मिल्नेछ । मित्र बनेर धोका दिनेहरु प्रसश्तैै हुनेछन्, साथै अर्थको पनि हानी हुने दिन छ । शरिरमा रोगले सताउला, धनमाल हराउनाले मनमा पिडा थपिने छ, सजक रहनुहोला । बोली र व्यक्तित्वको प्रभाव बढ्ला । शैक्षिक र बौद्धिक काम बन्नेछ । सन्ततिसुख बढ्नेछ ।
मकर – लगानी बढ्ला । धन लाभ हुन सक्छ तर, सानातिना काम र घरेलु समस्यामा अल्झनुपर्ने समय छ । काममा कठिनाइ सहनुपर्नेछ । धोखा हुने ठगिने सम्भावना पनि रहनेछ । सोचीविचारी काम गर्नु अनुकुल रहला । हांसविलासमा आकर्षण रहला । नियमकानूनलाई ध्यानमा राख्नुपर्नेछ ।
कुम्भ – धन यश मान सुख समृद्धि बढ्नेछ । रोकिएका काम बन्ने र नयाँ काम सुरु गर्ने समय छ । काम बन्नाले सुखको अनुभव हुन्छ । पठन–पाठनमा मन जानेछ, घरायसी काममै दिन जाने देखिन्छ । कमाइ सोचेअनुरुप हुनेछ । मिठो भोजन मिल्नेछ । रसरागमा आकर्षण बढ्नेछ ।
मीन – आय वृद्धि होला । बोली र व्यक्तित्वको प्रभाव बढ्नेछ । नयाँ कामका योजनाहरु बन्ने सम्भावना छ । काममा जोश र जागर बढ्ने देखिन्छ, आर्थिक लाभ पनि होला । आज कुनै नयाँ कामको थालनी गर्नुभए राम्रो हुन्छ । वार्तामा सफलता मिल्नेछ । मान मिल्नेछ । साझेदारीको काम बन्ला । हांसविलासमा आकर्षण बढ्ला ।
