काठमाडौं । देशभर थप ३ हजार ९३८ जनामा कोरोना सङ्क्रमण पुष्टि भएको छ ।
पछिल्लो २४ घण्टामा ११ हजार ८७० जनाको आरटी–पीसीआर विधिबाट परीक्षण गर्दा ३ हजार ७ जना र ६ हजार ५३८ जनाको एन्टिजेन विधिबाट परीक्षण गर्दा ९ सय ३१ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
योसँगै नेपालमा कोरोना भाइरस संक्रमितको कुल संख्या ७ लाख ७३ हजार ८६० पुगेको छ ।यस्तै पछिल्लो २४ घण्टामा देशभर २ हजार १२ जना निको भएर घर फर्किएका छन् ।
योसँगै नेपालमा कोरोना संक्रमणमुक्त हुनेहरुको संख्या ६ लाख ६३ हजार ६६३ पुगेको छ । यसैगरी पछिल्लो २४ घण्टामा थप ३७ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ९ हजार ९९४ पुगेको छ ।
