६ वर्ष पहिले चिरई खोला झोलुङ्गे पुल पार गर्नै लाग्दा मोटरसाईकलमा सवार कृष्णनगर-१२ मानपुरका राम सवारे खटिक पुलबाट तल खसेर घईते भए । उनि अहिले पनि शारिरिक रुपमा असक्त छन् । जसोतसो राईकल चलाउन सक्ने सम्म भएका खटिक ४० वर्षका भए । परिवार चलाउन दिनहुँ यो पुल वारपार गर्नुपर्छ उनलाई ।
५ छोरा ५ छोरीका बाबु राम सवारेका १५ सन्तान जन्मिए । ५ सन्तानले अकालमा ज्यान गुमाए । यीनै खटिक यतिबेला भने चुनावमा मत माग्न आउनेहरुसँग पुल बनाईदिन अनुरोध गरिहेका छन् । यस क्षेत्रमा वाम लोकतान्त्रिक गठबन्धनका तर्फबाट नेपाली कांग्रेसका उम्मेद्वार वीरेन्द्र कुमार कनौडिया छन् । कपिलवस्तु ३(२)का उम्मेद्ववार यो क्षेत्रमा घरदैलो सहित पुगेका छन् । मंगलबार पुनः पुगेका कनौडियाले कांग्रेस नेतृत्वमा प्रदेश सरकार बन्यो भने संघीय सरकारसँग यहाँ पुल बनाउन पहल गर्ने बताउँदै थिए ।
चुनावमा भोट माग्न आएका कनौडियासँग कृष्णनगर-१२ वेदमऊका सुदिप त्रिपाठीले स्थानीय स्वास्थ्य चौकिका लागी एम्वुलेन्सको माग गरिरहेका थिए । पछिल्लो समय कनौडियाको चुनावी क्षेत्रमा आएको वजेटले यस क्षेत्रका स्थानीयवासीहरुमा उनि प्रति विश्वास बढेको पाईएको छ । प्रदेश सभा सदस्य कनौडियाले विकास निर्माणमा गरेको लगानीले स्थानीयवासीहरुलाई सहज जिवन यापनमा सघाउ पुगेको छ ।
सडक,सिंचाई,वस्ति झोपडी मुक्त वस्ति विकासका लागी वजेट आउँदा गरिव वस्तिका जनतालाई आवासमा समेत सहजता हुँदै गईरहेको छ । आफ्नो चुनावी क्षेत्रमा घरदैलो अभियानमा हिंडेका कनौडियाका प्रतिबद्धतालाई मतदाताहरुले नजिकबाट नियालिरहेका पनि छन् । कनौडिया पनि मतदाताको मतको सम्मानका लागी प्रतिबद्ध रहेको बताईरहेकाछन् ।
